chline bricht ueber die wuche!

das isch doch en schöne hai?! gseht richtig fründlich us *haha* sind eigentlich scho kei schöni tier

händ ihr gwüsst, dass es ei vome hai so usgseht? für mich hät das eher e form vome tannezapfe! :-)

das gfallt mer scho besser, hät schöni chlini seepfärdli gha...

das isch e giftige schlange, was e giftigi, di giftigscht wos da z'australie git, also tödlich! hoffe, die lauft mer nie gad über dä weg...*HILFE* aber mini hostmother hät gseit, sie heg no nie e schlange gseh da bzw. i ganz australie nid und sie seged scho paar mal go zelte...

es git eigentlich nid so vill z verzelle, will mir haend gad mega haesslichs wetter da in sydney! :-( di letschte zwei taeg isch es oepe glich chalt wie bi eu und es regnet di ganz ziit und zwar mega fescht! geschter bini nach de schuel woni dihei gsi bin eifach pflotschnass gsi, vo chopf bis fuess! ha mi gad choene frisch alege und alli chleider vorem oefeli troechne! sogar min rucksack haet chli durelah, so dass es paar vo mine sache nass worde sind! isch nid gad so super gsi...naja...wens da mal regnet, denn tuets amix eifach wie bloed, es regnet wuerklich cats and dogs! ich glaub momentan isch bi eu fasch waermer a gwuessne taeg! mir haend naemli etz nu gad ca 20 grad und ha ghoert i de schwiiz segs brutal warm...in chur isch es letscht wuche irgendwie 23 grad gsi, das isch ja chrank! ;-) hm...ha gmeint, gaech da abe, damit ich chli schoeners wetter han (under anderem), aber isch anschienend nuet gsi! nei, ich glaub am weekend soets wieder besser werde hani ghoert!

vorgeschter bini ebe mit zweine vo de klass im ocean world gsi in manly! das haemer gad guet choene mache, will ja s wetter e nid guet gsi isch, daenn isch es nid so schad, wennd en tag dine verbringsch! haend det haie, fisch, schildchroet, schlange, seepfaerdli, spinne, und no hundert anderi sache gseh ghaa! isch na idruecklich gsi (ha denn no es paar fotene woni denn mal no druf tue, wenni ziit han) aber nachher haend mir nid so guet gschlafe (jedefals bim ischlafe hani mir chli grusligi gedanke gmacht gha), will da in sydeny isch di gfaehrlichscht spinne vo de ganze welt! und die versteckt sich gern i wohnhueser, dunkle egge und under irgend welche sache und denn isch es mir scho gad nuem so wohl gsi im bett, woni so ueberleit han! ich mein, stelled eu mal vor, ihr schlafet, sie bisst eu, will ihr eu villicht gad bloed beweged waenn sie umechruecht (fuehlt sich villicht denn agriffe) und was denn? stirbsch...du merksches ja villicht gar nid? hilfe du...aber isch glaub no nie passiert! da haets eh mega vill gfaehrlichi tier in australie! ha glaub s falsche land usgwaehlt!? :-)

ja, geschter hani no chli glernt fuer s advanced, will ich die itrittspruefig am 12. maerz han, aber ha s'gfuehl seg nid gad guet gnueg, will min wortschatz isch eifach z chli und au zum teil die grammatik isch nid gad eifach! sone lischte mit allne woerter uf einere linie (nome, adjektiv, werb) waer amix no guet! will wortbildig isch au en teil bi dere pruefig und ich weiss nid, aber das isch zum teil nid gad eifach, welles isch s verb, wie formsch ez s nome usw....weiss echt nid, oebis schaffe, aber lueg ez eifach mal! aber mer ghoert ebe uh oft, dass de advancedkurs mega streng isch und das kackt mi ebe echt chli ah, ich meine, ich wet denn nid immer 2-3 stund ufzgi mache oder so! wet ja mis laebe da au no chli gnuesse und nid nur muesse lerne! aber irgendwie nur da id schuel und keis diplom mache isch irgendwie au chli scheisse, will daenn haesch eifach nuet richtigs i de hand! sones diplom zellt halt scho meh, als nur gad es diplom, dass du die und die schuel fuer so und so lang bsuecht haesch! naja...ich glaub, ich mach eifach s first weni s advanced nid schaffe, will denn hani wenigschtens oepis! findi zwar chli wenig, will ich das niveau scho mal gha han, aber ich lern ja glich sache und rede und schluess denn defuer villicht s first guet ab...aber muess no abwarte, bis de tescht gsi isch, aber ich weiss wuerklich nid gnau wasi soell mache, aber das muesi mir denn no ueberlege, wenni den wuerklich d resultat han! isch chli doof, aber es gaht irgendwie nid andersch! soet halt eifach amix chli lerne, aber ha nie luscht druf!

naja...freu mi, dass mer etz mal weekend haend! ha zwar einiges vor und alles verplanet, aber isch besser als schuel! :-) schrieb eu denn wieder mal und hoffe, dass i denn es paar fotene cha driitue, au vom weekend usw...

vermiss eu und wuensch eu e gueti ziit i de "warme" schwiiz!

Sunntigsusflügli

das isch ca. 100m vom huus weg, das gsehsch ufs offne meer

isch uh schön gmacht, hät immer so wegli wo direkt dä klippe bzw. am strand entlang füehred

dänn da hine gseht mer dä curl curl beach!



das isch am fresh water beach une!

det häts so mega steigebilde und abgnutzti stei vom wasser

gseht chli ruinehaft us uf däm bild, aber isch uh schön! :-)

das isch au dä curl curl beach, ganz hine isch es schwümbad is meer ie gmacht! das häts da sehr hüfig, es becki mit meerwasser, damit z.b. chasch längene schwümme, willi im meer häts vill z'vill wälle!

a mim zweite sunntig da, hani am morge ca. 2h stund mit mim schatzi telefoniert! kei angscht, über skype, das isch ja gratis! :-) isch s'erscht mal gsi, womer so richtig lang telefoniert händ, sit ich weg bin! muess au mal si...:-)

nachher bini nomal go ligge (er hät mich nämlich am sunntigmorge am 7.20 gweckt und das isch nid gad mini ziit zum ufstah)! naja...isch denn gad chli spat worde, am 13.45 uhr hät mir dänn mal d'hostmother grüeft, will sie sich gar nid sicher gsi isch, öb ich überhaupt da bin oder nid! ha au nid gmerkt gha, dass scho so spat isch! dänn bini dänn mal ufgstande und han mir en roasted toast gmacht und gässe und dänn bini ällei chli an nächschte strand abe (ha ja nu ca. 5 min z'fuess)! bi no nie det gsi vorher, han ihn nur immer gseh gha vom zimmer us! isch no mega schön det, aber hät hüt brutal vill lüüt gha, häsch chum no en platz gfunde...aber ich bin eh nid go bade! bi chli am strand entlang gloffe (hät da eigentlich ebe immer wägli vo eim zum andere strand usw...recht lang)! nachher hani mi uf es bänkli gsetzt und chli charte gschriebe und s'wetter gnosse...usserdem hani no es paar fotene gmacht!

nacher bini wieder ufe und anstatt direkt hei, bini dänn no chli uf di ander siite vo eusem huus gloffe und ha det no es paar fotene gmacht vom meer! isch würklich wunderschön da! und so wohned die lüüt da s'ganz jahr, chani mir irgendwie gar nid vorstelle...aber sie findet eusi bergä unbelivable! isch halt eifach normal, wänd nüt anders kennsch, so wie für eus d'berge normal sind! aber etz chani ja au es paar mönet so wohne! :-)

also, wünsch eu en guete wuchestart und bis zum nächschte mal! han eu gern!

Samschtig am Strand und dä Sunneuntergang am Abig dihei!

das sind d'sabi und d'lele vo horge, sind leider nur no ca. 1 wuche da...:-(

da sind no dä dani (us bülach) und dä michi us em kanton aarau (i de nächi vo baden/brugg) druf...

das isch so d'lädelistrass vo manly (da häts alles, läde, pubs, alkshops, reschtis usw...) isch no mega schön! autofrei isch es au! :-)

...und dänn dihei, dä sunneuntergang! super schön...


Bi hüt eigentlich dä ganz namittag am strand vo manly gläge mit dä andere vo dä schuel! isch no chillig, so i de sunne ligge, nüt tue, dä welle zuelose usw...aber ebe, achtung, sehr starchi sunne! mer muess sich würklich überall icreme! mer gseht etz bi mir schön, wo dass ich zwei/drüü chlini stelle vergässe han oder überseh han! fallt eim amix ebe nid würklich uf...es isch aber nid en sunnebrand (dä wür wehtue), aber es isch eifach rot...zum glück windets amix nochli, dänn isch es nid so heiss, aber in australie chasch ebe au rot werde, wänns bewölkt und relativ grusig isch! das vergisst mer dänn halt vill oder schnell mal! ich mein, i dä schwiiz wirsch ja nid würklich brun, wäns bewölkt isch oder sogar regnet! ;-) hihi...witzigi vorstellig!

am abig woni dänn heicho bin, hani gad schön chöne am sunneuntergang zueluege! aber das gaht ur 1-2min. und dänn gsehts scho wieder andersch us! chasch fasch vo blossem auge zueluege wie d'sunne abegaht...schön jedefalls! :-)

wünsch eu au es schöns weekend!

Barbecue am Shely Beach

am shely beach häts eifach so es paar electrogrill, wo mer frei chan bruche! isch echt no cool...händ geschter det brätlet, hät fasch nur schwiizer det gha! und e hochzit hät au irgendwie gad no stratt gfunde! :-)

dänn isch langsam dunkel worde...

mer gseht vo da uf manly übere, hät in natur no vill besser usgseh!


zum shely beach muesmer vo manly us laufe, dänn gseht mer de ganzi strand vo manly, uh schön! aber windig und zum teil nass...;-)

Da sozäge menscheleer, am tag amix pumpevoll...eis tüechli am andere sägi eu


das isch de shely beach (chli und herzig)! am abig sind mega vill hase und susch tier füre cho! sind no recht zahm die fiecher...fressed alli reschti und so!

da gseht mer no im helle uf manly füre! sehr schön...

bricht über d'schuel, ussichtsfotene und susch no fotene!

das sind es paar schwiizer vo eusere schuel! am bruzzle...:-) dä eint hät sis liebli über d'ohre ta, will er sie will schütze, da er go bade gsi isch vorher und ebe vercheltet isch! *grins* ha voll müesse lache und drum fötele...:-))

das isch dä manly beach (hüt morge häts riise wälle gha! super für d'surfer!)



*grins* sorry, ha gad müesse föteli vo mir mache! ha so freud gha a mim cap woni kauft han! BILLABONG (find die marke dä hammer!!!! und da isch das züüg recht günschtig und vorallem gits ganz läde, wo nur die marke händ!) *freu,aber trotzdem hüür* nei, tuet au sin zweck, will ich muess immer ufpasse, dassi mir nid d'chopfhuut verbrenne, det woni dä scheitel han!


hüt bim heilaufe vo dä schuel (isch en mega schöne heiwäg, dur chlini wäldli, gebüsch, chlini pfäd, sehr grüen) hani dä schmetterling gseh!

da häts amix eifach irgendwo so gstei wo zwüschet hüüser, balkon oder wäg sind! findi voll cool...isch au ufem heiweg!

das isch so en fluss oder so öpis ähnlichs, wo is meer füehrt (au ufem heiweg!)


das isch au d'sicht vo dä stube us, i dä mitti und halbrechts gsehni eifach ufs offne meer use! riese flächi wasser und es hät fasch immer es schiff irgendwo wiit use!!

das isch s'offne meer (hani geschter gseh, isch glaub halbe vollmond!) hät no vill besser usgseh in natur!

das isch de sunneufgang vo hüt morge gsi! da hani gad scho bim 1. schritt vor d'huustüür müesse dä fotiapparat usenäh! :-)

es chömed immer so en art papagaie bi eus uf dä balkon! die sind mega zahm und fressed dir us dä hand! uh herzig...

am abig häts oft uh schöni wulchebilder bzw. sone art sunneuntergang

gfallt mer halt mega, drum fötelis immer wieder! :-)

das isch de curl curl beach, dä gsehni vo dä stube us! :-)



hey lüüt!

chum hät di erscht wuche schuel agfange chumi num so hüfig zum schriebe wien ihr gsehnd! :-/ tija...irgendwie logisch! ha vom morge am 8.20 bis am namittag am 14.30 schuel und vorher schlafi natürlich und nach de schuel bini meischtens nochli am strand, pöschtele, eis am zieh mit dä andere oder susch dusse! (kackt mi amix ah zwüschet dine hei und wieder cho, da fahrt dä bus nur ca. all 30min.) dänn gangi ebe lieber direkt und bis ich dänn amix würklich dihei bin isch 6i oder 7ni am abig und dänn gits scho bald z'nacht! das heisst, dänn hani amix au nüm vill ziit (bzw. wäni mal churz het, magi nid oder muess anderi sache wo wichtiger sind erledige! usserdem hani au amix ufzgi (seit zwar niemert öpis, wänds nid gmacht häsch, aber bi ja da zum chli öpis lerne!) aber am mäntig und fritig hämer nie ufzgi, das isch no cool...ufs weekend nüt und am mäntig am erschte tag au nüt! das isch ja au susch immer de tag womer dä gröscht aschiss hät, halt gad so nachem weekend!

d'schuel da isch nid schlecht! sie isch direkt am strand und relativ zentral! all läde, restis, bars, usw...sind rundume! d'lehrer sind mega easy druf...:-) uh vill geduld, verständnis und einiges meh....das chönt ich glaub nid immer! mir sind momentan 5 schwiizer i dä klass (vo 10 insgesamt, d.h. mir händ no ein tschech, ein franzos, 2 japaner (m/w) und ei brasilianerin)! d'schwiizer sind aber nid all so cool, z.b. dä eint macht es nüt, ihn kackt alles ah, seit bi allem er heg kei ahnig, wüssis nid und so wiiter...isch nid gad e super istellig! di meischte sind na easy...aber ha etz nonig gad öpert gfunde, woni muess säge, oh cool, dass au da bisch! hät halt au älteri lüüt (mir händ eini die isch 38 und eine vwo 42 isch!)! naja...hoffe, es chömed no es paar cooli lüüt...es paar schwiizer kenni no vo andere klasse, aber die gsehsch nu i de freiziit!

d'schuel isch so ufteilt, dass mir zersch 2 stund zäme schuel händ. dänn hämer irgendwie gramatik, listening, writing, gamerundi oder irgendöpis! zwüschet dure hämer mal no churz pause! nachher hämer immer selbststudium (d.h. 1 h entweder dvd luege, conversation, selfstudy im compiruum oder grammatikselbststudium)! es isch aber immer gäh, weli klass was muess mache...hüt und geschter hämer z.b. dvd gha, dänn wird eifach zäme en film glueget und das tuet dim hörverständnis guet, isch ja logisch! mir händ etz gad just married glueget, läck isch das en strube film! stupid! ;-)

dänn hämer 50min mittag und chönd use, in pc rum (internet, msn, weiss nid was..), esse, eifach halt was mer wänd! amix liggi chli an strand, bin immer mega müed!

am namittag hämer dänn namal 2h i de klass s'glich wie am morge! und natürlich au e churzi pause zwüschet ine! isch eigentlich no easy die schuel! isch nid ganz s'glich wie i des schwiiz, tunkt mi lockerer und easier...aber ich glaub mir schwiizer sind eh perfekt und eifach zu korrekt! guet, hät au sini vorteil!

ja, däs wäred wieder mal chli news vo mir gsi! etz mueni go penne, bi immer mega müed und irgendwie chani amix vom morge am 5i ah nüm penne, kei ahnig, isch villicht dä jet-leg! (ha kei ahnig öbis richtig gschriebe han! :-)) aber di andere händ das problem au! isch halt au na d'sunne, das umeligge am strand usw...macht au nid gad fit! (apropo sunne, hey, ich säg eu, da müender nur 20min (wänn überhaupt!) ohni sunnecreme a de sunne si und ihr sind voll rot! aber isch nachher nid so wie wänt verbrännt bisch, schmerze, brenne usw...aber es gaht es paar täg, bis abflaut! also immer schön cremle! d'sunne isch eifach vill stärcher da!)

also, lahn eu sii für en moment!

hebeds guet und bis zum nächschte mal!

küssli juli

mis neue dihei! :-)

das isch s'strässli wo zu mim huus füehrt, mer gseht hine s'meer! :-)

links dä briefchaschte und di erscht schtäge wo zum huus ue füehrt, isch voll versteckt das huus! *grins*

wiiter obe gseht dänn s'schtägli so us!

und s'letschte schtägli vor dä huustüür! bin richtig fit, wänni wider heichume! muess ja immer schtäge laufe! ;-) *freu*

Vorgarte mit Pflanze (irgendwo da zwüschet dure füehrt d'schtäge!)

my Ikea-Bed! :-) (da gits echt d'ikea, sogar dä aldi gits! *unbelivibale*

mis zimmer, alles chli in blau!

stube, chuchi und esstisch! gsehsch bi däm fenschter wie bim andere wo mer etz da nid gseht ufs meer bzw. dä strand! (händ uf beidne siite ä terrasse!) voll dä hammer säg ich eu!!!!

mini eignig chli stube mit terrasse, tv, chuchi usw...

dä usgang us mim zimmer uf di glich terrasse wie vo dä stube us (ha da au meeressicht!) :-))))

di reschtliche fotene folged, aber muess etz zersch gschwind ufzgi mache! :-((