travelling infos

g'day mates! :)

so, bi etz sit ca. 2 wuche am reise und es isch voll cool! :) ha scho so vill schoeni sache gseh, immer schoens wetter gha und villi cooli neui luet kenneglernt! :) bi zersch 3 taeg bim ayers rock, the olgas und em kings canyon gsi und es isch eifach de hammer gsi! :)) total andersch als de rescht vo australie, eifach nuet, ussert rote sand und baeum! aber fantastisch, echt e cool erfahrig gsi, vorallem au s'dusse schlafe haet spass gmacht!

denn bini ja 2 taeg z'cairns gsi und ein vo dene taeg go tauche! isch au ganz laessig gsi, obwohli chli respekt gha han, so aellei z'gah! aber isch alles guet gange, ussert dass es so gwellet haet und mir so schlecht gsi isch uf dem schiff! aber bi chli enttosche gsi vom barrier reef, isch nid so prachtvoll gsi wieni denkt gha han! naja...denn bini no ein tag eifach so in cairns gsi, ha no e alti schuelkollegin troffe wo mit mir z'sydney a de schuel gsi isch und das isch no laessig gsi, so bini nid so aelli gsi! :)

und scho isch es ab uf mini letscht tour, 14 taeg de ostkueschte entlang abwaerts zrugg uf sydeny! sind nur 9 luet, alli jung und au alli aellei am reise! isch echt cool! sind zersch uf magnetic island, denn 3 taeg uf d'whitsunday ufe sailing tour und das isch de hammer gsi! ha no nie i mim lebe so fiine und wiise sand gseh! :) s'meer isch eifach so schoen blau, tuerkis usw...gsi, bi chum meh usem stuune usecho! denn isch es wiiter in nationalpark, det haemer recht vill muesse laufe, aber isch au no cool gsi! di letschte zwei taeg simer ufere cattle farm gsi und haend au einigi cooli neui sache gmacht! haend choene bull riding mache, sind ca. 3 stund go riite gsi, haend glernt boomerang schuesse, dideridoo spielle usw...huet simer etz in rainbow beach, womer ei nacht verbringed und denn gahts ab fuer 2 taeg uf d'fraser island! hoffe, wird au wieder ganz cool, denn gahts na uf brisbane, byron bay und scho isch mis reisli fertig und ich chume wieder hei id schwiiz! freu mi echt mega druf, obwohls e super cooli ziit gsi isch, ich vill neui idrueck gsammlet han, vill cooli neui luet kenne glernt han usw...aber vermiss eu halt glich alli! :)

also, leider chani kei fotene uelade, aber bi ja gli zrugg und denn chani eu alles zeige! also, mer gseht sich i de schwiiz...

ha eu alli lieb, gruessli us down under,

eui juli

goodbye manly and friends! :((

hihi...dä margot ihri coole schwiizerfingernägel! :))) hämer schön gmacht, nid?! nur leider hät au das nüt gnützt gha...

d'katrin und ich am match luege! das zum trinke isch so öpis wie budget redbull! :) nur das dose eifach vill schöner isch! :) schliesslich händ mir eus müesse bis am 2i wachhalte...

*gröl* am sunntigmorge hämer gfunde, mir müessed chli zu eusem gsicht luege! :) drum händ mir eus so schöni gsichtsmaske is gsicht gstriche...

das isch dänn am sunntignamittag mit de schwiizer am billarde i de shark bar!

das isch am dunnschtig namittag nach em listening im japaner resti gsi! :) händ doch nach eusem asträngende prüefigsteil öpis müess go esse...:)

*smile* mis schöne diplom, dass ich 12 wuche in cambridge first kurs gange bin, über 80% vo dä ziit a de schuel gsi bin und immer englisch gredt han im schuelgebäude! *freu*

das isch d'will mini speakingpartnerin gsi...ha mit ihre d'mündlich prüefig gha! typisch asie style, peace! :) aber achtung, sie isch denn vo südkorea und ja nid china!

am fritig mit dä beide firstklasse im thai reschti am esse! z'hinderscht rechts di zwei stehende fraue sind eusi lehrerinne gsi!

und no d'margot, ich und d'katrin im usgang! :)


hey friends in switzerland! :)

etz isch es so wiit, mini letscht wuche hani hinder mir und s'staht nur no dä schriftlich teil vo mine prüefige vor mir und dänn bini weg! :( muess all mini neugwünne kollege verlah! isch echt es komisches gfühl, wo mi chli trurig macht! vill vo däne lüüt wird ich wahrschindlich nie meh gseh, di einte sicher wieder ab und zue, aber s'wird nie meh so sii wie etz! :( aber ebe, däfür chunt no s'schöne reise und nachher gsehni däfür eu wieder! :) uf das freui mi ja trotzdem au! und natürlich bliebed mir all die coole erlebnis da z'manly und z'australie immer i gueter erinnerig und das isch au guet! :)

also, ha nomal es paar sache zum verzelle, wo so i de letschte week no passiert sind: am mäntig hämer e ushilfslehrerin gha, will eusi lehrerin isch über s'weekend z'melbourne gsi und wills so gstürmt gha hät, händs all flüüg cancled und sie isch halt ersch en tag später cho! die ushilf isch voll strub gsi, lacht immer soo doof, behandlet eim wie es chind und amix isch sie am bode ghocket und hät so schuel gäh! hihi...hät eus amix fasch eis gäh! naja...zum glück isch das nur ein tag gsi, länger würsch das glaub gar nid ushalte! am mittwuch hani dänn tina s'letscht mal gseh, s'nächschte träffe wird wieder mal i de schwiiz si, da sie ja genau ein tag nach mir aber nach fasch 3 jahr wieder heichunt! :) irgendwie voll strub...:) am dunnschtig isch denn euses listening gsi und mir sind nid mit dä fähre id city, sondern mit em bus, wills di ganz wuche so stürmisch gsi isch unds eifach z'riskant gsi wär, wänns d'fähre gstriche hetted und mir z'spat cho wäred! usserdem isch au d'fahrt (sind nämlich so hei) nid gad gmüetlich, hät uh mega gschwanket, unglaublich...naja...zersch hani a dere prüefig echt mal en shock gha und bi gad voll down gsi, wills uh schwer gsi isch, bzw. ich hans schwer gfunde! aber nachher wo mer nach de prüefig mitenand chli ustuuscht händ, isch usecho, dass es alli mega schwer gfunde gha händ und das mer aber trotzdem öpe di gliche antworte händ! :) phuu...das isch ebe au no so verwirrend gsi, isch immer ca. 2 oder 3 mal de glich buechstabe als lösig gsi und das hät eim scho gad chli unsicher gmacht! aber ebe, uf das chasch nid gah...glaube etz, dassi schlechter bin, als amix bim üebe, aber sicher bestande han bis etz! :) nachher simer denn no ca. z'10tä go japanisch esse und nachher sind mir schwiizerfraue no go lädele...hät echt guet ta! :) ja und dänn isch scho de letscht schueltag gsi und mir händ nur no am morge ca. 2 stündli chli schuel gha, dänn eusi diplom becho und nachher simer ja no mit beidne klasse go thailändisch esse! isch no friedlich gsi!

etz zum letschte grosse weekend da: am fritig simer nomal s'letscht mal so richtig fett uf sydney in usgang! :) sind z'5te gsi (alles schwiizerinne) und hät echt spass gmacht...d'musig isch cool gsi und eifach gueti stimmig! sind dänn uf dä 3 bus und ca. am 4i dihei gsi! d'katrin und ich sind ja zu dä margot go penne, will sie sturmfrei gha hät und usserdem fahrt de nachtbus bis zu ihre hei und mir müend nid no 30min heilaufe! am nächschte morge hämer dänn mal gmüetlich z'mörgelet nach dem mer uspennt gha händ und nachher simer id city und is lindtcafe! das isch de margot ihres verspätete geburigschenk gsi, det öpis go esse...isch schweinetüür, aber au saumässig fein! :) nachher hämers eus chli guet gah lah und sind nomal is sprudelbad und d'sauna!:) am abig simer denn zersch go poschte und dänn hei zu mir go faijtas choche! :) mmhhh...isch voll fein gsi! dänn hämer eus so müeh gäh und dä margot ihri finger mit schwiizerchrüzli agmolet, damit au mir chli öpis händ zum d'schwiiz bim match untersütze, aber hät ja leider trotzdem nüt gnützt! :( scho chli trurig gsi! aber dä komentator hät immer so herzig köbi kühn gseit, will ers nid richtig hät chöne gaxe! :) naja...händ dänn all bi mir gschlafe, will eh niemert meh heicho wär so spat (isch ja bi eus bis am morge am 4i gange de match)! am sunntig morge hämer denn wieder gmüetlich z'morge gspiesse und sind dänn uf manly, will mer eigentlich no s'letscht mal mit allne schwiizer händ welle es bbq mache! aber s'wetter hät eus natürlich wieder mal en strich dur d'rechnig gmacht und mir händ keis chöne mache! dänn simer halt ines pub und händ chli billard gspiellt und gjöggelet...hät au voll spass gmacht! nach dem isch dänn d'katrin wieder zu mir heicho, will mer dänkt händ, mir würed de federer match gern luege und ich han ja internet! aber leider, isch das nid gange und ufem normale sender händs en nid übertreit! :( aber het eus eh nur d'nerve usgrisse...so hämer halt en dvd glueget!

und scho isch es verbii gsi, euses weekend! :( hüt isch ja bi eus en public holiday (queens birthday) und mir händ frei! d'katrin und ich sind no chli uf manly abe, chli umegloffe und chli id läde go luege, aber irgendwie isch es gli langwielig worde und dusse hämer au nüt chöne mache, wills regnet und drum simer halt denn beidi am 2i hei! muess etz denn eh no alles zämepacke, chli ufrume usw..., will morn hämer prüefig und gönd nachher no zäme go fiire und ich gang ja dänn scho am morge früeh druf! tija..etz gahts schnell und scho bini wieder dihei, will s'schöne vergaht ja eh immer vill schneller, hät mer wenigschtens s'gfühl! :( naja...so isch es halt!

wird viellicht min letschte blog itrag gsi, da ich nid weiss, öbi bim reise internet han, bzw. öbi ziit ha für so öpis! aber für all die wo dänn intresse händ, d'fotene glich azluege, chönd ja denn susch mal verbii cho unds dänn mit mir zäme aluege...:) freu mi eh, eui alli gli wieder z'gseh! also, falls mer sich nüme ghört bis ich wieder dihei bin wünsch ich eu allne e schöni ziit, e gueti em und vergässed mi nid! ;)

bis i guet 3 wuche...*freu*

tschüssli zäme

My second last schoolweek! :)

das isch a eusem erscht rugby matsch! :) krass grob das spiel, wär glaub echt nüt für mich...:)

di chline "tschiirleader"! :) ha gad kei ahnig wie mer das schriebt! :) mal nid i ultra churze röckli, also leider nüt z'gseh für d'jungs! :)

tija...immer s'gliche, ha die wuche susch kei fotene gmacht! :(


hey guys

und, wie gahts eu so i de schwiiz? alles im roote bereich mit dä em und dä schwiizer fuessballmannschaft? s'vorspiel gäg liechtestei händs ja schön gwunne! :) bi eu chunt d'em immer nächher und bi mir chunt dä letschti schueltag immer nächher...

ja, zersch wieder mal zu minere wuche! leider chani das mal weder gross fotene inetue, na gross öpis interessants schriebe, will das wo mer eigentlich vor gha händ, isch id hose! :( naja...so isch es halt mängisch! aber zersch vom afang ah, erklär eu denn scho no, was s'problem gsi isch, aber alles zu sinere ziit, mer fangt schliesslich es buech au nid mit em schuss ah! ;)

also, am mäntig hämer nach de schuel eigentlich welle mit dä schuel "indoor games" spielle (Boomerang activity), aber es isch eifach niemert ume gsi und wo mer denn sind go fräge, häts gheisse, seg abgseit worde, will mir di einzige gsi seged, wo sich agmulde heged! :( gad chli frustrierend gsi, vorallem, will eim niemert wür informiere! naja...mir händ dänn halt dänkt, guet, mir chönd eus au selber unterhalte und dänn simer no chli anes tischli ghocket z'dritte und händ selber chli spieli gmacht mit dä jasscharte! :) isch no ganz luschtig gsi! am zischtig simer na s'letscht mal da is kino go "made of honour" go luege! isch so en richtige liebesfilm gsi, wot scho vo afang ah gwüsst häsch, wer zäme chunt, aber egal! :) hät eus fraue guet gfalle...am mittwuch hani mi wieder mit dä tina zum pläuderle troffe! :) naja...das isch ja wieder mal typisch aussie gsi und ich han mich total ufgregt! min bus isch eifach nid cho, erschtens hani müesse im rege ca. 30min warte, denn isch endlich ca. 20min z'spat eine cho, aber mini fähre id city isch natürlich scho lang wäg gsi! :( aber ha dänn dänkt, evt. verwütschi ja dä jet cat (dä isch ebe schneller als d'fähre aber tüürer), aber nei, de shit bus isch genau so cho, dass ich dä gad no gseh han abfahre, woni a de wharf acho bin! :((( ah, ha mi so gnervt, ha nämlich nochher det au nomal fasch30min müesse warte, bis di nächscht fähre gfahre isch! und s'schlimme findi ja no, da seit kei sau öpis, das passiert eifach, isch doch glich...chumi nid etz, chumi später, so i dem stil! i de schwiiz unvorstellbar...heieiei!!!! am dunnschtig isch däfür öpis ganz cools gsi! :) plötzlich hät eusi lehrerin ufgschroue während de schuelstund, will sie öpis uf em meer usse gseh hät! ihr glaubed nid was...? wal, händ doch echt wal gseh, wo jumpt sind! :))) ha voll freud gha, leider sinds meeega wii weg gsi, so dass mer kei fotene hät chöne mache und meh s'wasser wo voll gsprützt gha hät gseh hät und d'wale nur ganz chli! aber trotzdem voll s'highlight gsi! :) sind gad all uf dä balkon grennt...am samschtig häts anschienend nomal gha, aber die hämer nid gseh gha! :( die chömed ebe immer über de winter da ue anschienend und für di einte isch es scho voll nüt meh speziells, aber für mich natürlich scho! :) dä dunnschtig isch für die wuche euse letscht richtig schueltag gsi, will am fritig händ mir alli euses speaking exam gha! mir händs zum glück am morge gha und nachher weekend! :) ha eigentlich es rechts guets gfühl, aber isch immer recht schwierig zum säge! aber hoffe etz mal, ha jedefalls alles verstande, d'frage alli beantwortet i dä vorgähne ziit und nid würklich müesse staggele oder nach wörter sueche...:) bi mega froh, dass das etz scho hinder mir isch, find das immer s'schlimmschte! genau, erfasst, dänn hämer scho weekend gha...jupiii...

zersch simer nach em speaking alli an shelly beach go es celebration bbq mache! :) hm...alli, sind genau irgendwie 6 lüüt gsi (alles schwiizer, ussert de andrea us norwege)! :) di einte händ ebe ihres speaking später cho und wäred später no cho...aber isch au so no friedlich gsi, isch mal tagesliecht gsi!:) d'manne sind zwar so erschöpft gsi vom exam, dass beidi am beach igschlafe sind...:) hät luschtig usgseh gha...naja...d'katrin und ich sind dänn relativ gli wieder gange, will mir scho lang abgmacht gha händ, dass mir no gönd go kanu fahre, will mini host hät ja eis! usserdem isch es würklich en wunderschöne tag gsi! sind drum zersch zu mir heigloffe und händ eus dänn mal mit dem plastikkanu an beach abe gschlept! zersch hämer mega müeh gha, zum is wasser cho, will immer so riise welle cho sind! händ eus echt scho gseh kenterre, aber wie dur es wunder (nei seich, das isch eusi kunscht gsi! ;)), simer gschwumme und nid kippet, obwohl mir eus vor lache chum no händ chöne heb (also dopplet guet, muess scho gseit si! :))! nachher simer da go s'meer unsicher mache, isch no friedlich gsi, leider chli astrengend i de ärm (aber ha etz nid mal muskelkater)! mängisch simer eus au mit de paddle chli in weg cho, aber es hät spass gmacht und das isch doch d'hauptsach! nachher simer dänn zu mir zrugg, händ no chli zäme spieli gmacht, euses zweite sandwich wo mer vom mittag vorig gha händ gässe und eifach no en easy abig gha, bis dänn d'katrin ca. am halbi 9ni uf dä heiweg isch, da sie susch kein bus meh gha het! usserdem sind mir eh chli uf dä schnurre gsi...am samschtig simer uf di 12i z'manly as wine and food festival, aber isch ja zum totlangwile gsi, will erschtens häts nur es paar ständ gha, dänn häsch müesse zersch es wiiglass für 5 dollar chaufe und pro wii wot häsch welle probiere häsch au no mal 5 dollar zahlt! das isch mir (nid nur mir, eus allne) eifach z'tüür gsi, vorallem will mir nid würklich gern wii händ! und s'esse hät eus au nid gad us dä socke ghaue...dänn sind mer halt zersch wieder chli an beach go spieli mache (händ susch nüt bessers gwüsst), dänn hämer eus mal öpis z'mittag gholt und dänn simer uf di 3 a euse erscht rugby-match! :) naja..nüt grosses, manly gäg irgend es andere vorort glaubi, mag mi scho nüm an name erinnere! :( isch mal cool gsi zum z'gseh, aber vill z'grob! usserdem für mich bzw. eus chli langwilig, will mir d'regle nid würklich verstönd! drum sind mer denn nach de 1. halbziit gange und euse z'nacht go poschte, will die beide girls wieder bi mir pennt händ wäg em sunntig! händ dänn zersch champagner trunke und chnoblibrot zur vorspies gässe, dänn lasagne und zum dessert apple pie mit vanille creme! :) mh....fein! eifach köschtlich gsi! nachher hämer au wieder chli gamet, musig gloset, pläuderlet...händ ebe leider nid chöne tv luege, will min hostsohn mit dä fründin glueget gha händ! aber isch nid so tragisch gsi! sind dänn relativ früh is bett, will mer hüt (sunntig) uf di 8ti eigentliches auto gmietet gha hetted und uf canberra (hauptstadt vo Aus) gange wäred! aber ebe, etz chunt di ganz witzig story! :( sind pünktlich det gsi, heted au es auto becho, aber de witz isch gsi, dass mer unter 21 gar nid därf fahre, d'kathy und d'margot aber beidi jünger sind! das heisst, ich het müesse alles ällei fahre und das wär echt chli e zuemuetig gsi, erschtens s'erscht mal links fahre, alles isch im auto verchert ume und denn au no ca. 10 stund a eim tag (mit hi-und rückfaht)! das wär mer dänn glich chli z'vill gsi, meine i de ch ok, aber da woni überhaupt nüt kenne...lieber nid! s'gröscht isch ja aber gsi, dass mir vor es paar wuche extra mal persönlich verbii gange sind go alles abkläre und fräge und dä typ do genau nach eusne alter gfräget gha hät und nachher gseit gha hät, es seg keis problem! ja danke...super gsi, nachher isch es glich nid so! tija...da mir i dä nächi alles scho gseh gha händ (denn heti chöne ällei alles fahre), hämer halt gfunde, mir stornieret das ganze, will bringt au nüüt, so viel zahle für chli i de welt ume kurve! :( händ schlussendlich au würklich nüt müesse zahle, isch ja nid euse fehler gsi und sind halt dänn chli demotiviert zu däm lade ustschumplet! voll de aschiiss! ich meine, wäred alli gern mal go umekurve, uf canberra abe und händ eus eifach druf gfreut gha, aber uf di ander siite hämer etz däfür en grosse brocke geld gsparet..:/ naja...sind dänn halt chli go fruscht shoppe, nei, nid würklich! :) di einte händ no es paar sache brucht! händ dänkt, chönged dänn halt däfür nomal is kino, aber isch nüt schlaus cho, bzw. das wo guet wär, hämer scho gseh ha! dänn simer halt inen lade go en billige dvd poschte und wieder zu mir hei go dä luege! isch no en coole film gsi, so en highschool movie, lovestory, wo au wieder mal vo afang ah klar gsi isch, wer zäme chunt, aber hät glich guet tah! vorallem isch de hauptdarsteller dä vo step up 1 gsi! :) ah...schöne maa! :)) da händ mir wenigschtens no e chlini freud gha! :) am 4i sind dänn die girls au scho wieder hei und ich han no susch chli züüg erlediget und gmacht! wieder nüt würklich spannends chöne verzelle, obwohlis scho fasch versproche gha het! aber ebe, het ja eigentlich au fasch klappet...

so, das wärs wieder gsi! etz chunt dänn nur no eimal würklich öpis, will nachher bini am reise und dänn weissi nid, wie hüfig ich überhaupt en pc han, bzw. internet! usserdem weissi nid, wies denn mit de fotene lauft! aber ebe, die chönd er ja susch immer mal no "live" i de schiiz go aluege cho...:)

also, drucked mir bitte am dunnschtig dä dume für s'listening! :) merci scho etz...wünsch eu ganz e gueti wuche und bis gli...

grüessli

Neui Mitbewohner!

d'margot und ich am tennis spielle, so richtig voll im schuss! :)

hihi...mini schoggi und fuessballsache woni vo mine eltere becho han! :) mmhh...fein!

im schwiizer restaurant mit eusne lüüt! :) echt voll dä hammer gsi...

das isch geschter bim walk irgend sone cools steigebilde gsi wo mer nid gseh heted, wänn mer nid will mer s'gfühl gha heged, mer chöngi über die stei um d'klippe umelaufe, de weg gnoh gha heted!

nur damit ihrs glaubed, die zwei chliine sache wo mer i de mitti gseht sind delfin wo mer vom schuelzimmer us gseh gha händ! scho voll dä hammer! :)))


hallo leute

scho isch wieder e wuche ume! :) gahts scho wahnsinnig schnell! etz bini nur no 2 wuche da und denn isch d'schuel scho fertig! krass irgendwie, bi etz scho so lang da und etz chani d'wuchetäg scho bald a einere hand abzehle woni no da bin! irgendwie komisch das gfühl am fritig hani scho s'speaking, also drucked mir bitte alli ganz fescht d'düme! :) danke vill mal!

usserdem isch am mäntig dä sohn vo minere host mit dä fründin izoge und etz hani halt scho wieder nüm so mini rueh! :( irgendwie het ich's echt gnosse, di ganz ziit ällei z'si, aber isch scho easy! chöme ja guet anenand verbii! :) er isch eifach chli en chaot und laht amix alles umeligge und umestah! gseht mängisch us wie im soustall, aber ebe, so langs nid i mim zimmer isch und ers amix au wieder ufruumt (bzw. sini fründin), gahts no! :) hüt han ich zwar gsuget, wills so grusig usgseh hät im ganze huus! naja...

etz aber zu däre wuche: am mäntig bini mal am abig go jogge, muess öpis mache! :) isch no voll friedlich gsi, so im halbdunkel am strand entlang, s'meer z'ghöre usw...am zischtig namittag hämer vom schuelhuus us imfall ca. 10 delfine gseh! :))) uh mega hammermässig freud hani gha! :) sind no ziemlich näch gsi, eifach wunderschön! am abig sind d'margot, d'nicole, d'debi und ich go tischtennis spiele mit es paar anderne vo dä schuel! händ rundlauf und susch no so es paar game gmacht, isch echt witzig gsi! sind sogar gad no chli is schwitze cho, aber d'margot und ich händ glich immer verlore! :) am mittwuch hani wieder kaffichränzli mit dä tina i de city gha! am dunnshtig woni nach de schuel heicho bin, hani e mega überraschig vor em zimmer gha! :) es päckli us dä schwiiz vo mine eltere mit schoggi und alles so schwiizer em-artikel! :))) ha mega freud gha, eifach will ich überhaupt nüt meh vo ihne erwartet han! das isch echt e glungni überraschig gsi! :)

tija...scho isch es wieder weekend gsi! am fritig abig simer mit es paarne vo dä klas und susch no schwiizer namal is swiss restaurant go esse! isch voll cool gsi würklich! händ wieder mal schwiizerdüütsch gredt (nach dem das die beide koreanerinne gange gsi sind) und händ gjasset, garschlöchlet, und susch no es paar spieli gmacht! eifach voll friedlich gs! :) etz hani da une doch no richtig glernt jasse mit schiebe und wiise und so wiiter! :) eigentlich müesst ich ja öpis ander lerne, aber isch ja glich...:) am samschtig sind dänn d'katrin, d'margot und ich nomal uf en walk vo syndney (harbour bridge) bis zu dä spitbridge! hey, sind imfall ca. 20km gloffe! leider isch dä lauf nid agschriebe gsi und mir händ es paar mal dä falsch weg müesse näh und wieder umchere, aber susch hämers au voll luschtig gha! s'bescht isch gsi, dass ich mir natürlich no mini hose verisse han wo me über so klippestei gloffe sind! ;) neinei, zeigs föteli etz nid! :) (di andere händs natürlich so luschtig gfunde, dass es händ müesse bildlich festhalte!) am abig simer dänn na mit es paar andere schwiizer wieder mal an shelly beach go BBQ mache! das isch au no easy gsi, händ eus jedefalls eusi burger so richtig verdient gha nach so vill laufe! :) hüt händ d'katrin und ich eigentlich no chli welle an beach go sport mache, aber churz nach dem mer z'manly une gsi sind, isch es voll cho regne cho und chalt isch es au gsi, dass mer das dänn halt sii lah händ und nur eusi ufzgi zäme binere tasse tee gmacht händ! :( naja, so hämers wenigschtens chli luschtig gha bi dä ufzgi! mir sind dänn nach ca. 2 stund wieder hei und wies so isch, häts natürlich chum simer dihei gsi, wieder uftah und isch warm worde! aber au egal, so hani es paar sache susch chöne mache, wie z.b. wäsche, blog schriebe usw...

ja, das wärs scho wieder gsi vo mir! nid so speziell gsi das mal! aber glaub nächscht wuchenend hani wieder meh z'verzell! :)

e schöni wuche und bis gli...

eui juli

Ha s'ganze Huus für mich ällei! :)))

das isch s'schnellschte boot wos jemals gäh hät! fahrt über 500km/h! :) krass hä!? isch im museum ufghänkt gsi! :)

das isch dä original anker vom captain cook! dä händs usem wasser zoge!

und das isch es schiffli gmacht us bierdose! s'originale isch dopplet so gross gsi und würklich gschumme! ;) unglaublich...eusi füehrerin hät gseit, sie heged ja eigentlich nüt erfunde, aber wänns mal öpis erfindet, bzw. mached, denn segs eifach stupid! :) das isch glaub würklich so....*smile*

das bin ich im opera house vor em balett! :) händ eus müeh gäh, und eus so guet wie möglich agleit, obwohl ich ja da halt nid so edli chleider han! ;)

das isch vorem shelly beach, eifach mega schöni meeresfarbe gsi! :) ha immer wieder freud a dem! :)

das isch euses grüppli gsi a dä margot ihrem geburi! eigentlich nur schwiizer! :) hät no ei französin und e südkoreanerin däbii gha, aber susch nüt anders! :)

am grilliere! :) mhh..fein isch es gsi! :)

d'margot am geburtstagschueche schniide...schön glichmässig, damit au jede glich vill hät! ;) gseht doch herzig us, wie sie lachet?!


grüezi mitenand! :)

scho isch wieder sunntigabig und ziit zum eu s'neuschte melde! die wuche isch wieder chli meh los gsi, wobii villicht nid "fotimässig" aber susch hämer einiges erlebt! :)

zersch no gschwind zu mim mock-exam! het also wänn das s'richtige first gsi wär bestande gha! :) das isch mal en erliechterig und git eim chli meh selbstvertroue und sicherheit für di richtig prüefig! :) usserdem hämer d'date vo dä richtige prüefig becho: am 30. mai hani s'mündlich, am 5. juni hämer s'listening und alli schriftliche prüefige (writing, use of english und reading) hämer dänn am zischtig, 11. juni nach em letschte schueltag! *hilfe* aber eigentlich bini froh, dass zwei sache dänn scho früehner abgschlosse sind! hoffe, drucked mir dänn alli schön d'düme! :)

am mäntig simer z'5te im opera house es balett go luege! :) normalerwiis interessier ich mich ja nid so mega für das, aber im opera house isch es natürlich scho chli öpis anders! ;) zersch isch es chli komisch und langwilig gsi, aber vo part zu part isch es interessanter und luschtiger worde! isch mal e cooli erfahrig gsi muessi säge! am zischtig hämer wäg eusem mock-exam chum schuel gha und sind drum am namittag is kino go "what happens in vegas" luege! dä lauft ja i de schwiiz au, isch echt luschtig gsi! :))) händ amix scön müesse lache...am mittwuch hämer am namittag mit allne cambridge studente und de lehrer am namittag es BBQ am shelly beach gha, so als belohnig, dass mer euses zweite mock-exam dure gha händ! isch no friedlich gsi, vorallem isch es mal no hell gsi, will wänn mir ja amix am abig nach de schuel eis händ isch es immer scho dunkel und mer gseht chum meh was mer isst! :) am abig bini dänn wieder mal is steyne, will d'margot ja am dunnschtig geburi gha hät! sind uh vill det gsi und isch no luschtig gsi, händ dänn am 12i agstosse uf ihre geburi und dänn bini dänn aber scho gli hei, damit ich no de letscht bus han chöne näh, will susch hetti no müesse laufe und das heti kei luscht gha! am dunnschtig isch dänn würklich ihri "geburiparty " gsi und mir sind wieder anes BBQ, aber das mal am fresh water beach! händs uh guet zäme gha! di einte händ sie dänn no miteme chueche und cherzli überrascht und obwohl sie eigenltich nid so gern im mittelpunkt staht, hät sie mega freud dra gha glaubi! :) aber dänn isch dänn glich au chli heiweh cho, ja, wär halt sicher andersch, din 20. geburi dihei mit dine kollege z'fiire! am 9ni bini dänn scho ca. wieder dihei gsi und gad is bett, bi so todmüed gsi! tija...und dänn am fritigmorge isch dä moment cho zum "goodbye" zu minere hostfamily säge! sie sind ja am fritig für 6 wuche uf frankriich gfloge und es isch mer irgendwie scho nid so eifach gfalle, zum tschau säge! ha immerhin 3 mönät jede tag mit ihne verbracht und da gwöhnt mer sich glich recht anenand und usserdem hanis ja guet mit ihne gha! sie händ mi dänn umarmt und dä hostfather hät mer no en kuss uf d'bagge gäh und dänn händs gfunde, seg e super studentin gsi und es seg e freud gsi, mich da z'ha! :) das isch mega herzig gsi und au chli trurig...:(

und scho isch s'weekend wieder da gsi! :) am friitigabig simer (d.h. nur d'margot und ich, will d'katrin chli chrank gsi isch) wieder uf sydney in usgang! isch lässig gsi, aber sind beid au mega müed gsi und drum dasmal scho am 3hei, aber bis ich dänn dihei is bett cho bin, isch ja glich au scho wieder 4 gsi! dänn hani zersch mal uspennt und dänn s'erscht mal würklich ganz ällei dihei koschet und gässe! :) dänn simer am namittag is maritrine museum in sydney! händ e privattour gha wo ersch no gratis gsi isch! :) isch no cool gsi, aber müesst etz nid no i meh museen, bi halt nid so dä typ! nachher simer wieder uf manly zrugg und händ mal all zuetate für euse z'nacht poschtet und sind dänn zu mir hei! händ röschti mit spiegeleier kochet! :) isch mega fein gsi, obwohls nid ganz so worde isch, wies i de schwiiz usgseht! aber hauptsach, mir händ eusi freud dra gha! :) dänn hämer en dvd zäme glueget und nachher no schoggifondue zum dessert gmacht! *hmmm, fein* nachher hämer eigentlich nomal en dvd welle luege und händ däzue di feine paprikachips vo dä poscht (danke namal villmal! :)) gässe! sind dänn aber so müed gsi, dass mer halt ufghört händ und is bett sind! di beide händ ebe bi mir gschlafe, susch wärs chli doof gsi, wäred chum me heicho! hüt morge hämer dänn zersch en zopf bachet (wo mer geschter dä teig vorbereitet händ) und dänn so richtig en guete brunch gha mit speck, spiegelei, nutella usw...*läcker* au dä zopf isch chli andersch worde und chli brüchig gsi, aber isch ja egal! dänn hämer dä wunderschön warmi sunnetag uf dä terasse gnosse und händ no spieli gmacht! isch richtig gmüetlich gsi und di beide händ gar nüm welle hei, wills bi mir so schön seg (gsehnd halt vo ihrere homestay nid gad ufs meer!)!

tija...und etz bini ganz ällei dihei! :) aber gnüsses richtig chani eu säge! aber am mäntig oder zischtig söt ja denn dä sohn vo dä homestay izüügle und dänn bini dänn nüme ganz für mich ällei! :( naja...villicht gahts ja au no chli länger...sind sich nämlich selber nid so sicher gsi! usserdem händ s sich mega sorge gmacht, dass ich nid ällei chöng da si, händ mi sicher öppe 10 mal gfräget! aber ich meine, bi mi ja gwöhnt, ällei z'wohne! :)

morn gahts denn leider wieder los mit schuel! aber isch scho di 3. letscht wuche und etz gahts glaub ziemlich schnell und dänn isch es scho verbii! :) irgendwie lässig, aber irgendwie au chli trurig! d'schuel isch eifach das wo nid immer müesst si...

also, wünsch eu ganz e gueti wuche und bis gli...

grüessli juli

Pfingste, Muettertag und Mäntig frei, nur ich han nüt vo alle dem! :)

das isch uf eusere exkursion mit dä schuel! isch d'sicht vo dä sternwarte us uf sydney! :) mega schön, nid? sterne gseht mer halt kei...;)

es paar vo mine mitschüeler und links vorne eusi lehrerin bim esse! :) luschtigs tischli gsi, sind glaub die teilers wo mer i de ikea chan chaufe zum übers bett zieh! :) händ da nämlich d'ikea au...

am namittag nach eusem schuelusflug im botanische garte mit äm sam, dä katrin und dä andrea us norwege! hät nu chli blendet...

dä sunneuntergang am shelly beach bim bbq! eifach jedes mal wieder vo neuem traumhaft schön findi!

und no am lion dance (buddha festival) d'leue, hät echt no witzig usgseh! sind immer zwei lüüt under eim gwand gsi, dä eint hät eifach müesse di hindere bei und dä ärsch und so darstelle! ;) isch sicher recht unbequem für dä...


hey swissguys

und, wieder fit und munter und usgruebet i di frisch wuche gstartet nach euem lange wuchenend? :) hoffes doch schwer...ich "därf" nämlich morn (mäntig) id schuel, usserdem hämer no s'2. mock exam, also gar nüt vo relaxe und easy näh...:( naja...s'isch halt etz eso! chum zwar nid drus, wieso die da kei pfingste händ, aber sind halt aussie und die sind eh strange...:)

so, fanged mir doch a verzelle, was mer die wuche alles erläbt händ! langsam chani nüm so vill schriebe und vorallem hani nüm so interessanti fotene, will eus nämli fäng d'sache zum unternäh usgönd...aber ich probiers etz glich mal...

bi eigentlich die wuche bis am mittwuch jede abig dihei bliebe, will ich gfunde han, ich muess amix au chli ziit für mich ha, will di nächscht wuche wärded mir immer unterwegs si! langwilig, ich weiss...am dunnschtig isch es dänn däfür chli spannender gsi für eus! mir sind nämlich mit dä schuel id rocks (ältischte stadtviertel vo sydney) und händ so wie e gfüehrti tour gmacht, wo mir schüeler aber dä to guide gsi sind. das heisst, mir händ eus am morge zersch i dä schuel troffe, sind i gruppene iteilt worde (glücklicherwiis sind mir drüü zäme gsi! :)), händ pro gruppe 2 sehenswürdigkeite zueteilt becho und händ dänn müesse i 45min über beidi infos usem internet usfindig mache! nachher i dä rocks hämer dänn jewils vor em gebäude oder was au immer das es gsi isch, müesse eusi "red" halte...isch irgendwie na cool gsi, jedefalls vill besser als schuel, hät mal chli abwächslig drii bracht! :) am 2i simer dänn mit dä ganze manschaft ines cafe go esse und nachher sind mer für dä rescht vom tag freigstellt gsi und ufzgi hämer au no kei gha! :) das chönt immer so si...*träum* isch en wunderschöne tag gsi und ich bi dänn no mit es paarne in botanische garte, händ det öpis zum dessert gässe und eifach chli pläuderelt und s'schöne wetter gnosse! am abig hani dänn mit dä tina abgmacht und mir sind zäme ines pancakerestaurant (creperie) go z'nacht esse! mmhhh...ich säg eu, das isch echt mega fein gsi! so vill verschiedeni crepes! ha zwei schoggicrepes mit schoggiglace und frische erdbeeri gha...köschtlich gsi echt! ja und dänn isch scho euses wuchenend wieder vor dä tüür gstande...:)

am friitgabig hämer mit dä parallelklass und allne lüüt wo susch vo eusem schuelhuus no cho sind, wieder es bbq am shelly beach gmacht! isch voll chillig gsi, chli ässe, plaudere und relaxe...schad isch halt nume, dass relativ früeh dunkel isch und drum au recht schnell chüel wird, vorallem wänd nur umesitzisch! aber sind dänn glich bis am 10ni det bliebe und nachher zrugggloffe und hei! am samschtig händ mir 3 (d'margot, d'katrin und ich) dänn mal en lockere tag vor eus gha! :) sind nämlich eifach uf dä mittag an beach go d'sunne gnüsse! :) händ würklich glück gha und en relativ warme tag verwütscht! :) d'margot und ich sind sogar no es paar minute is meer go bade, obwohl s'wasser ziemlich chalt gsi isch! *brr* zum z'mittag hämer das wo mer vom friitigabig vorig gha händ no uf dä grill ghaue und so gad wieder öpis richtig feins zum esse gha...:) nachher hämer no chli planet, sache besproche und so wiiter, wo mer no wänd mache, unternäh oder go aluege i eusne letschte 4 wuche! :) gaht langsam schnell, heieiei...zum z'vieri simer dänn is schoggicafe (da häts eifach nur sache mit schoggi zum esse) und händs eus guet gah lah...tija...dänn isch scho wieder abig gsi und mir sind hei! ich han mir voll dä gmüetlich abig dihei gmacht, will mini host nid dihei gsi isch! s'isch independence day im tv cho und dänn hani mir so en richtig schöne fernseh abig gmacht! hät echt guet tah...lueg da so guet wie nie fernseh, will ich erschtens nid däzue chume, 2. die eh nur ca. 5 sender händ und 3. meischtens eh nid das luege, wo mini host lueged und dänn nid eifach wet oder chan umstelle! s'krasse isch eifach, da hocksch ellelang vorem tv, wills da mit dä werbig no vill schlimmer isch als bi eus! chunt ca. all 10-15min, zwar chürzer als bi eus, aber chasch würklich chum chli luege, scho isch d'werbig wieder da! drum gaht au en film öppe dopplet so lang als er eigentlich wär! :/ *rrr* aber ebe, ha ja geschter ziit gha...:) und hüt morge simer so früeh use, will in sydney s'buddha festival isch und mir dänkt händ, villicht segs no öpis interessants, jedefalls dä lion dance, aber händ eus chli tosche! isch recht langwilig gsi und mega churz und dä rescht hät eus eh nid würklich interessiert! dänn simer halt nachher eifach mit em zügli wo i dä "luft" fahrt go e rundi drülle und nachher hämer welle is pancakeresti (di andere händ nach minere schwärmerei au gad luscht druf über cho! :)) aber det sinds bis weiss wo agstande (muess begehrt si!), dass mer halt sind go past ässe! nachher hämer voll nüm gwüsst, was mer susch no sölled mache, will mer irgendwie vill z'vill ziit gha händ und usserdem mega schlapp gsi sind! hät eus nüt richtig agmacht, händ nid möge gross umelaufe usw...dänn hani mi entschiede zum heigah am 3, ha ebe au no so mega gfrore und bi echt mega müed gsi! di andere sind dänn no go souvenir oder so poschte, aber ich han das ebe alles scho und ha nid so luscht gha! usserdem würi dänn nur wieder öpis gseh wo mer wür gfalle...:) uf dä fähre hät mi dänn no so en alte grossvateraustralier aquatscht und gfrägt vo wo ich seg usw...da hani mit di ganz fahrt gredt! :) isch mega herzig gsi, am schluss hät er mich no welle nächscht wuche zume kaffi ilade, aber das hani dänn nid so welle und au gseit, seg voll beschäftigt (was wahr isch)! hät mer dänn mal sini telefonnummere gäh, aber lüüt eh nie ah und er gaht am friitig uf amerika für es halbs jahr, d.h. d'wahrschindlichkeit dass ich ihm über dä weg laufe, isch relativ chli und usserdem chani ja dänn immer no säge, seg ebe zu beschäftigt! :) aber isch no cool gsi, so mit öpertem mal chli z'pläuderle...

ja, das wärs scho wieder gsi vo mir! chli langwilig gsi die wuche, aber di nächscht wird däfür brutal "busy" mit prüefige, usflüg und verabschiedig vo minere host, will die ja uf frankriich id ferie gönd! das heisst, söt eu nächscht mal wieder chli öpis interessanters chöne brichte! :) aber mer chan ja au nid nur immer voll di coole und spannende sache unternäh, gaht ja nid! :)

wünsch eu e gueti wuche, isch ja ganz e churzi für eu! :) und gnüssed s'schöne summerwätter, ha ghört, heged recht warm! :)

langsam gahts scho bald am endi vo minere schuelziit zue, ha nämlich nur no 4 wuche schuel! :)) dänn weissi dänn au nüme, öb ich min blog no so aktuell chan halte, will bim reise wirdi sicher nid immer so vill ziit ha und vorallem wahrschindlich kei internet! :( drum gnüssed no di letschte ca. 4 iträg wo sicher na folged! :)

also mini lüüt, passed uf eu uf und ich hoffe, ihr händ alli eui müettere nid vergässe! ;)

see you, juli

week 11 with my highlight! :)))

das isch am sunntig uf eusem 10km walk...häsch eifach nur s'meer gseh dur d'bäum! uh mega schön! :)

das isch au so en ministrand i dä nächi vo manly! die findsch chum, so chli sind die mängisch! aber da chasch richtig d'natur gnüsse!

jupi...gschafft! 10km hinder eus! und d'brugg isch au no gad ufgange und d'schiff sind "une" dure graset...eis nach em andere, schön hinderenand! :)

ich vor em skydive i mim super schöne gwändli! :) ha mi da gad vor dä kamera müesse vorstelle und das au no uf englisch, obwohl ich doch kei nerve für so öpis gha hand! ;) nei, isch gar nid wahr, bi ja voll nid nervös gsi! :)

und scho bini i dä luft! :) da no im freie fall, 200km/h! :) aber das merksch nur di erschte paar sekunde und nachher isch es nur no geil! :)

juhui...ich flüge...:)))

sobald er dä fallschirm ufgmacht gha hät, hät er mir d'brülle abgnoh! natürlich nur, damit ich besser usgseh uf dä fotene! :)

und dänn isch es leider scho fasch verbii gsi und ich han müesse id landeposition! isch wichtig, dass d'füess uehebsch, susch chasch der die cheibe no breche! jawohl! :) das hät er mir jedefalls gseit!

gsehn da öbe die en regeboge! das isch us em schuelzimmer use, hät zwei gha und dä eint isch echt mega intensiv gsi! uhd schön!

da simer gad im imax! für en 3d movie muess mer halt leider so e strubi brülle alegge wo eim fasch bis is muul chunt! aber zum popcorn esse häts no glanget zum glück...

das isch am fritig nach dä schuel uf äm heiweg gsi! hät eifach wunderschön usgseh und ich han gad müesse mini kamera fürechraze und dä moment feschthalte! drum isch es guet, wänn mer die immer däbii hät, mer weiss nie...;)

en teil vo eusere klass am bbq, zwei koreanerinne (will und sophia), d'katrin, ich, dä charles und dä marco! ussert eusne koreanerinne sind alli us dä schwiiz, aber dä charles isch en welsche! nachher sind dänn no zwei meh cho (nomal en schwiizer und en koreaner), aber leider isch es denn scho z'dunkel gsi zum nomal fötele...

und last but not least, dä lindorchuglebehälter im lind cafe! :) hät echt luschtig usgseh, aber isch no ziemlich wertvoll, da ja eini scho es halbs vermöge choschtet!


hey guys...

what's going on in switzerland? how are you?

I'm absolutely fine cause I've done one of the best experience in my life this saturday! :) But first I'm writing all the "boring" stuff about my 11th week! ;) So, let's start...

...and now again in german that all my friends who can't read English will understand what I write...! :) sorry, ha gad luscht gha, zum chli in englisch afange! isch mal öpis anders...ich glaub aber, das händ no di meischte verstande! und susch isch es nid so wichtig gsi, schrieb eh nomal alles wo ihr müend wüsse uf düütsch! :)

also, zersch wieder zu minere wuche! muess gad überlege, was ich alles gmacht han! hm...chan ja nid all zu interessant gsi si, wänn ich's scho nüme weiss! ;) ah doch, eigentlich hani no einiges gmacht! :) am zischtig bini mit dä margot is kino go "forgetting sarah marshall" luege! isch e komödie, echt zum gröle, aber chli komisch! villicht händ en ja di einte oder andere vo eu au gseh! :) am mittwuch simer gad nomal is kino, aber das mal is imax id city go en 3d film über wal und delfin luege! isch no recht interessant gsi, aber 45 min sind also genau richtig, vill länger hetis nüm usghalte, isch irgendwie astränged für d'auge! tja...susch hämer die wuche würklich nüm vill gmacht, will mer eusi energie für s'weekend händ müesse ufspare! :)

am fritig isch d'kollegin (katrin) zu mir go penne cho (hät ebe susch so en lange wäg z'fuess uf manly), will mir am samschtig morge händ müesse am 5i ufstah, damit mer rechtziitig am treffpunkt i dä city gsi sind (hät da so früeh am morge no kein bus, d.h. mir händ vo mir müesse laufe)! am 7.15 simer dänn vom shuttlebus abgholt worde und nach ca. 1 stund fahrt simer uf em skydive gländ acho! :))) etz chönd ihr eu ja öppe vorstelle, was mer gmacht händ...das weekend gsi isch und en wunderschöne sunnetag, hämer es ziitli müesse warte, bevor dänn ändlich eusi näme usgrüeft worde sind und mir zu eusem instruktor händ chöne! dä hät eus zersch mal euses gwändli gäh zum alegge, eus dänn alles erklärt, was mer müend mache bim usegumpe, was mer bim lande müend mache usw...und dänn isch es scho losgange zu eusem gwagte sprung us em flugzüüg! isch es chlises flugzüüg gsi und recht unbequem drinn, aber ich meine für das wo mer nachher erlebt, nimmt mer das gern in chauf! sind ca. 15min gfloge, bis mer uf ca. 4000m obe gsi sind und dänn isch d'klappe ufgange und di erschte sind usegumpet... ....und scho bin ich a de reihe gsi! :) mer sind da zäme füregroppt (cha mer ja chum andersch säge!) und dänn bini uf dä kante gsässe, er hät sini bei um mini da und 1,2,3 und tschüss! dänn sind mer eifach gheit und gheit und gheit...200km/h! stelled eus das mal vor? schnell, nid wahr? zersch hani gar nüt gross gmerkt, aber dänn sind scho ca. 5 sekunde cho, woni es rechts chrible im buch gha han (halt so wie ufere achterbahn)! aber nachher hani das gar nüm gspürt, au nid das so schnell bisch! es isch eifach nume no cool, hammermässig und amazing gsi! :))) so richtig i dä luft schwebe, d'landschaft unter dir gnüsse und... ...unbeschrieblich! :) Leider simer vill z'schnell wieder dune gsi (back on earth) wies so schön gseit händ und dä ganzi spass isch verbii gsi! :( aber däfür hanis etz i minere erinnerig und wirds nie meh vergässe! wirds glaub nomal irgendwänn mache...:) damit au ihr chli öpis vo mim sprung händ, hani mi di ganz ziit filme lah! :) isch echt en luschtige movie, aber leider müend ihr eu no ca. 2 mönät gedulde, will er z'gross isch zum uf facebook lade! I'm just smiling in this movie! :) als belohnig für euse muet sind mir dänn nachher zrugg in sydney is lindt cafe (gits nu 3 mal uf dä ganze welt)! händ eus chli mit tüürer schoggi verwöhnt! tüür isch scho fasch falsch gseit, ei lindorchugle choschtet 1$! aber ebe, macht mer ja nid all tag! :) aber die händ da vill meh uswahl als mir, händ lindorchugle mit zimt-, orange-, himbeer- und mintgschmack! kei ahnig, wieso mir als schiizer wo die schoggi selber mached, all die sorte nid händ! *chopfschüttel* drum hämer gad mal die müesse probiere (ussert mint, das findi grusig) und es isch no recht fein gsi! aber d'original lindor isch eifach immer no di bescht! :) nachher hämer no chli s'schöne wätter am meer gnosse und chli pläuderlet bis mer dänn zrugg uf manly sind! det hämer gschwind es paar sache müesse go poschte, will mir nachher es bbq mit dä klass am strand gha händ! isch echt funny gsi mit eusne lüüt! leider s'erscht mal das mer als klass öpis usserhalb de schuel gmacht gha händ, aber s'guete dra isch, dass all iverstande sind und mir das unbedingt wiederhole müend! bi dänn relativ früeh hei, will ich eifach so todmüed gsi bin vo däm ufregende und erlebnisriiche tag und usserdem hämer am sunntig au wieder en lange tag vor eus gha!

d'katrin, d'margot und ich sind nämlich vo manly bis zur spitbridge (manly-spitwalk) gloffe! isch ca. 10km lang und alles dä küschte entlang! s'wetter isch genau perfekt gsi, nid z'warm und au nid z'chalt! zwüschet dure häts immer wieder wunderschöni chlini, versteckti stränd gha und a eim hämer dänn mal so i de mitti z'mittag gässe! eigentlich hämer ja no welle als abchüelig is wasser, aber s'isch z'chalt gsi, scho i de chleider a de sunne häsch fasch gfrore, isch halt winter da! ;) nach eusem päuseli simer dänn wiiter und händ no dä zweit teil in agriff gnoh, bis zu dä brugg! sind natürlich genau zur richtige ziit det gsi, wo sie sich göffnet händ, damit di grosse schiff händ chöne unedure fahre! :) durschtig und müed hämer eus dänn neume öpis z'trinke kauft und sind no chli id sunne gläge! alli drüü händ glaub halbe oder sogar ganz pennt! :) hät richtig guet ta! am 4i hämer dänn dä gratisbus is nächschte dorf gnoh (wo di andere beide wohnet) und ich han vo det dä nächscht gratisbus uf manly gnoh! :) gits glaub au nur da so öpis...z'manly hani zum guete glück gad no min bus verwütscht (fahrt am sunntig nur eimal i de stund, leider! :() und bin so öpe am 5i dihei gsi! nachher hani au nüme gross vill gmacht, will ich relativ uf dä schnure gsi bin! ussert natürlich min blog, aber leider hät s'internet irgendwie zersch e störig gha und d'helfti vo mim scho gschriebne text isch wieder weg gsi und nachher isch es gar nüm gange! :( drum chunt halt min blog usnahmswiis ersch am mäntig uf dä aktuellschti stand...:)

also lüüt, wünsch eu e gueti wuche und nämed s'letschte stuck bis zu dä summerferie nid z'streng! ich chume dänn wieder, wänns bi eu au schön warm isch! :)

I'm looking forward to writing my news for you next week! :) Take care, see you

Juli