halbziit! :-/

das isch im eiger swiss restaurant! gseht mer, dass es es schwiizer resti isch? ;) mega herzig gmacht, echt typisch schwiizerisch! isch recht volle gsi nachher mit lüüt und er und d'frau mached alles ällei...nid schlecht du!

ha mi so greuft über mis feine esse, dass ich gad es föteli han müesse mache!

das isch eine vo däne trupps a de anzac parade gsi...

di einte alte lüüt sind i so militärfahrzüüg duregfahre worde! händ amix gwunke und mega freud gha! :) di einte sind mit em rollator cho, di einte sogar im rollstuehl, echt meega alti mängisch!

schotte im schotterock und dänn händs immer de trurig duddlesack gspillt, aber passt ja eigentlich gad zu däm...

hihi...! sind überracht gsi über di coole polizeiauto wos da händ! :) voll stylisch, nid? eusi sind da gad langwilig, aber was au da isch, es sind "opel"! guet, d'aussies händ da ihri eignig marke, villicht ebe genau drum?! ;)

das isch en hammer sunneuntergang gsi, wo mer im luna park gsi sind! ha glaub no nie so en schöne und farbige himmel gseh! :) rägebööge hani däfür scho öpe 3 gseh...

d'margot und ich bim tennis spielle...:)

d'katrin und ich bim tennis spielle! ok, mir händ amix z dritte gspillt und es riise chäferfescht gha! :) händ immer müesse lache und das ganze überhaupt nid im griff gha im gägesatz zu dä andere spieler wos no gha hät...hihi...

das sind d'nicole, ich, d'debby, d'katrin und d'margot am shelly beach bim barbecue vo dä cam (französin)! sie hät geburi gha!

das isch mini hostfamily! gsehnds nid symphatisch us? mini hostmother (maeve) isch ursprünglich vo irland, min hostfather (mick) isch aussie...

am friitig im usgang hani mir mal en tüüre cocktail gleischtet, will ich endlich alles abgschlosse han mit däm rückflug, reise usw...:) hät richtig guet ta...


hey mini liebe

scho isch wieder e wuche verbii und ich han einiges zum schriebe! gaht scho immer rassig und ebe wie ihr gsehnd, bini etz scho über dä halbziit! :-/ irgendwie freui mi, aber irgendwie au nid! isch halt scho e cooli ziit, häsch es relativs easy läbe, cooli lüüt wot jede tag zäme bisch und gsehsch und es wunderschöns land! uf di ander siite freui mi au, dass ich wieder mal hei chan, mini gwohnt umgebig ha, wieder all das feine esse (vermisse gwüssi sache wie brot, röschti usw...) und vorallem mini lüüt wieder um mich z'ha! naja...aber etz gahts ja no es wiili, und drum schrieb ich etz über die wuche und s'weekend! :)

also, am mäntig simer zersch go tennis spille und nachher hani wieder mal mit dä tina in sydney abgmacht und mir sind ines pub eis go zieh und händ wie susch immer eifach chli pläuderlet und öbis trunke! am zischtig bini dänn mit dä katrin (schuelkollegin) nach de schuel na churz eis go zieh, will i dem grusige wetter wo mer bis am fritig gha händ, häsch gar nid vill anders chöne mache! :( leider...am mittwuch hät no di eint fränzösin geburi gha und mir händ es bbq am beach gmacht, aber hät amix chli gregnet, aber im grosse und ganze hämer glück gha! :) und dänn isch scho wuchenend gsi für eus! :))

mir händ nämlich am friitig frei gha will ebe anzac-day (australian, new zealand army corps) gsi isch! en fiiritg zum gedenke, a alli gfallne soldate i allne chriege wo d'aussies mitgmacht händ! das heisst, mir sind scho am dunnschtig abig in usgang und händ e chli gfiiret...sind ines pub wo dä einte ihre hostfather gitarre gspillt hät! (isch da ebe üeblich, dass es livebands hät i de pubs). d'margot und ich sind zwar scho um ca. mitternacht wieder gange, will mir am friitig uh früeh händ müesse use bzw. händ welle use! mir sind nämlich uf d'8ti fähre und id city go d'anzac-parade luege vo am 9ni agfange hät! isch echt no witzig gsi, hät uh vill musige gha (chi wie gugge) aber natürlich händs chli anderi sache gspillt! sehr vill schotte i schotteröck und so gha, wills halt da mega vill vo däne hät! händ dänn ca. ei stund zueglueget und nachher sind mer wiiter, händ es paar backpackers abklaperet wo i dä nächi gsi sind, will d'margot no eis brucht, wänn ihri family chunt! dänn simer churz an markt, will ich no es speziells t-shirt brucht han und nachher simer uf die halbi 1 in hyde park ad anzac-red! isch no idrücklich gsi, händ chör gha wo gsunge händ, eine wo d'red ghalte hät (mer häts au no ziemlich guet verstande) und verschiedeni soldate! isch echt speziell gsi, muess mer scho mal gseh ha, wänn mer scho da isch! schliessli muess mer sich chli integriere und vo dä kultur und dä sache vo dä aussies lerne, wänn mer scho so lang da lebt! :) nachher hämer no es chlises usfährtli mit dä fähre uf parramatta gmacht und wieder zrugg (müend ebe euses bilett usnütze :)) und dänn simer no churz mit dä andere fähre in luna park (chilbi) und go luege, wo euses schwümmbad isch, wo mer am sunntig dänn ane sind. ja und nachher isch dä tag au langsam z'end gange, aber s'beschte isch no cho: mir sind is eiger swiss restaurant go z'nacht esse! :))) isch echt dä hammer gsi, ha natürlich röschti mit spiegeleier und salat gnoh und es isch eifach köschtlich gsi! Mhh...fein! d'inhaber sind schwiizer und d'frau isch ds winti wülflinge id schuel (mängisch gits scho zuefäll he) und er isch eigentlich ursprünglich vo frankriich, hät aber i villne schwiizer resti kochet gha! händ immer düütsch mit eus gredt... isch echt luschtig gsi...zum dessert hämer dänn no es schoggi fondu gässe! das isch natürlich au ganz guet gsi...und dänn isch es hei mit dä fähre und is bett! isch en relativ wiite wäg vo däm reschti bis hei, aber hät sich glohnt! :)

am samschtig hämer dänn zersch mal usgschlafe, dass muess nämlich au mal si! :) dänn sind mer id warringah mall go shoppe, was mer eigentlich gar nid so richtig vorgha händ! :) aber da häts eifach so vill cooli und schöni sache, da muesch mängisch eifach zuegriffe! :) hihi...nachher hät sich d'margot no d'negel gmacht und ich han währenddesse schön brav mini ufzgi gmacht, händ nämlich uh vill gha über das weekend! :( nachher simer beidi hei go z'nacht esse und dänn uf di 22.15 fähre ab in erschte richtig grosse usgang id city! :)) d'margot und ich ällei, will d'katrin ja z'melbourne isch! sind is three monkies gange, will ä kollegin vo dä margot gmeint hät, es seg no guet! Und siehe da, es isch echt dä hammer gsi! :) s'coole isch ebe da, dass eigentlich immer kei itritt muesch zahle und das obwohls meischtens e liveband hät! :)) echt super, müessted sich d'schwiier mal e schiebe abschniede...hihi...jedefalls simer di ganz nacht am shake gsi und händs mega gnosse! sind dänn uf dä 4 bus und hei uf manly...ha dänn eifach no ca. e halb stund müesse heilaufe, aber isch voll easy...isch gar nid soooo lang, wie di einte amix gseit händ wot mit em bus underwegs bisch! das heisst, mir müend das sicher no es paar mal wiederhole...ah ja und nachtzueschlag zahlsch da au nid! :) (ok, das isch öpe s'einzig vo dä öv da besser isch! :() bi dänn öpe am 5.15 dihei gsi und dänn is bett go chröse...

jedefalls hani welle penne, aber das gaht da irgendwie nid, kei ahnig! cha da sit es paar wuche am morge eifach nie länger als bis am 7ni penne, meischtens verwachi no früehner, obwohli bis am 9ni chönt schlafe und susch ja eigentlich kei problem han und immer und überall chan schlafe! :( weiss au nid, was los isch...ha nid gad sehr vill gschlafe und bi dänn am 11i au scho wieder ufgstande und ha "z'morge" gässe und dänn bini wieder los! sind hüt zäme en easy tag go mache, d.h. händ ebe d'fähre gnoh und sind uf milson's point (ca. 5 min mit dä fähre vom opera house) und sind det id badi! zersch simer ca. 45 min im sprudelbad gsi, dänn id sauna und am schluss no im ussebad es paar längene go schwümme! :) nachher hämer eus in liegestuehl gsetzt und d'sunne endlich wieder mal chöne gnüsse (die hät sich nämlich sit drüü wuche hüt wieder s'zweit mal blicke lah!) wie sich's ghört händ mer no dä zweit teil ufzgi gmacht, also nid nur nüt gmacht! :) wo dänn d'sunne langsam abe isch, simer dänn wieder hei und etz hani no einigi sache woni muess erledige! :( aber ha au villes scho gmacht, eis isch nämlich dä blog! brucht au immer sini ziit! :) s'weekend isch wieder verbii und ich starte i di letschte 6 wuche schuel, d.h. di zweit helfti vom cambridge kurs! Gaht schnell sägi eu...

also, hoffe, händ spass gha bim läse und bildli aluege und bis zum nächschte mal! :)


love, juli

week 10 - bad weather time! :(

das isch in kiama das blowhole! irgendwie scho komisch, was d'natur alles büütet...:)

so gsehts us, wänns s'wasser us em loch usesprüzt, wie en springbrunne wo verdunschtet...oder ! kei ahnig, wie mer dem söll säge, aber sie säged dem so uf englisch! :)

das isch vom offne meer i de schmal ärmel ine und nachher chunt ebe das wasser rechts dänn us däm loch use gsprützt...gseht doch schön us, nid?

ich im rägewald ufem unterste stamm vome riiise baum...da häts amix riise bäum mit riise stämm usw...unglaublich...

das isch dä fitzgroy wasserfall im rainforest! dä isch 81m höch, ziemlich höch für en aussie waterfall

das bin ich am dideridoo spiele...also ja, ich probiers jedefalls...:)

and again...

das isch dä buddhistisch tempel wo mer sind go aluege...das isch di erscht stäge zum iegah! isch echt riesig, mit mehrere etage usw...

irgendwo zwüschet ine bim temple...sehr schön grüen, häsch au nid därfe uf d'wiese stah! gseht mers? ;)

das isch dä haupttempelsaal oder so öpis! riesig und eifach kitschig und überall die statue...also mir wür das nid so gfalle...isch halt nid so min gmschmack! aber zum aluege lässig gsi...d'schueh hät mer müesse dusse stah lah! gseht mer nid, hä?! :)


hey lüüt

vom wätter chani leider immer no nüt neus verzelle, isch echt di ganz ziit am regne und relativ chalt! seg voll nid normal, dass es so lang so grusig seg, ich meine, isch etz sit 2 wuche eigentlich kein tag meh schön gsi! :-( aber isch ja klar gsi, dass ich mir wieder sones jahr usgsuecht han! :( zieh das irgendwie ah...

aber etz zum reschte, händ ja glich no es paar sache gmacht die wuche! :) zersch emal hämer am mäntig und zischtig es mock exam gha, das isch eigentlich wie en richtige firsttest gsi! händ eifach es alts first als prüefig gha! naja...das isch nid gad so lässig gsi, aber ich het immerhin bestande und das scho nach 4 wuche schuel! :) das isch positiv!!! so weissi immerhin, dass ich relativ guet stahne, ich meine, ich han ja etz no 7 wuche ziit zum lärne und da verbesserisch glich no einiges! *freu* am mittwuch bini mit dä kollegin ine dideridoo lession gange! das isch ja luschtig gsi, isch imfall na recht schwierig zum spillä! händs nid so ganz härebracht, aber d'grundlag und s'grundwüsse hämer etz mal! chönted also loslegge...nei, ich has meh mal welle usprobiere, eifach zum wüsse wies so isch! am dunnschtigabig isch euses highligth gsi, mir sind as german film festival, wo da stattfindt! :)) echt dä hammer gsi, det isch genau ein schwiizerfilm gloffe, die herbstzeitlosen! drum hämer dänkt, mir gäched dä go luege und es hät sich echt glohnt! die händ doch da tatsächlich en schwiizerfilm uf schwiizerdüüsch mit englischem untertitel zeiget! :) wer het das dänkt??? hihi...händ so freud gha, händ eus gad für 90min dihei i de schwiiz gfühlt! hät so richtig guet tue...womer aber dä fein schwiizerfood gseh händ (z.b. rösti) hämer scho gad chli gluscht übercho und gfunde, mir müessed das mal probiere choche da, oder susch is schwiizerrestaurant in sydney go esse! :) krass, wie mer sich a öpis so chlinem chan freue und wie mer merkt, wie eim es paar sache fehled...

ja, und dänn isch scho wuchenend gsi! am fritig hani zersch nach de schuel mit dä einte schwiizerin für en "kaffi" abgmacht, woni da mal uf dä strass kenneglernt han (händ ebe wägem test am fritig e stund früehner schuel us gha! *freu*)! händ eifach chli pläuderlet...nachher bini churz hei, zum mich parat mache, esse, dusche und dänn bini wieder zrugg uf manly! det hani mit dä katrin und dä margot abgmacht, zum eis go zieh, aber da mir alli eusi büch no so voll gha händ vom z'nacht simer zersch eifach vo manly an shelly beach gloffe und wieder zrugg und händ chli pläuderlet! und a dem abig hämers eus mal gmüetlich gmacht und di meischt ziit in schwiizerdüütsch gredt! :) susch mached mir das ja nid...naja...wo mer dänn nachher vo eusem lauf wieder zrugg cho sind, hämer welle ines normals resti öpis warms go trinke, will mer chli chalt gha händ, aber da gits das eifach ume gwüssi nachtziit nüme! :( das heisst, es isch ja ersch ca. 22.00 gsi! strub, am schluss hämer halt nüt trunke, däfür hämer au kei geld brucht gha...:) am samschtig hani endlich mal en easy tag gha, ohni grosses programm! muess mängisch au mal sii zwüschet dure, weiss nämli nid, wänni s'letscht mal nüt gmacht han am weekend! jedefals hani probiert uszpenne, was aber nid würklich gange isch! weiss au nid, verwach da immer so früeh am morge! *heul* aber bi glich no recht lang liggebliebe, ha halbe pennt, müed wäri nämlich scho gsi! nachher bini dänn mal ufgstande, ha zmorge gässe und dänn bini is shopping center wo mer da i de nächi händ! ha ebe no e jeans brucht, woni au gfunde han und no susch es paar schöni sache hani denn au no gad gfunde! :) naja...bi halt e frau! aber bi nid all zu lang bliebe, susch findi denn no meh, woni gärn het! nachher bini wieder hei, ha mini ufzgi gmacht und susch no es paar chlineri sache woni ha müesse erledige...susch bini dänn halt eifach dinnebliebe, will s'wetter isch ja eh scheisse gsi und chalt! am abig hämer denn bsuech gha vo jenschte lüüt und recht lang und vill gässe! bi drum au nüm use, will ich sowieso hüt morge au wieder früeh ha müesse use...sind nämlich hüt in rainforest südlich vo sydney! das heisst nid nur, zersch simer dä gröscht buddhistisch tempel vo australie go aluege! isch echt no idrücklich gsi...nachher simer i sones chlises fischerdörfli, kiama! det häts so es blowhole (übersetzt: blasloch), das isch eifach es felsgebilde im meer und z'mitts inne häts es loch und wänn e grossi wälle chunt, dänn sprüzt s'wasser ue wie en springbrunne! isch uh speziell gsi...:) nachher simer ebe no in rainforest und händ zwei verschiedeni wasserfäll gseh! :) naja...leider isch es würklich voll dä pisstag gsi, aber mir händ wieder meh oder weniger glück gha und es hät immer nur grägnet wämer im bus am fahre gsi sind! aber ebe, chalt isch es gsi und mängisch sind halt au d'fotene nid so schön worde, wills nebel oder wulche gha hät!

ja, das wärs scho wieder gsi...die wuche hämer nur 4 täg schuel, will am fritig da en fiirtig isch (ANZAC-Day = Australian and New Zealand Army Corp oder so) isch eifach en gedänktag a alli soldate wo i dä verschiedene chrieg gstorbe sind! aber für eus isch es natürlich positiv...:) frei!!! juhui...

also, ghöred wieder vo mir i ca. einere wuche...hoffe, läsed au immer fliesig alles na! :) bis dänn...cya

9. Wuche und Weekend

das sind "the three Sisters"! eifach die drüü bergkuppe woner näbet enand gsehnd! isch da in australie recht bekannt, aber sind nid soooo riesig, aber schön zum gseh! :-)

mit däm bähnli hämer am schluss vo dune wieder uefahre chöne! hät di eifach mega steil dä hang und s'gestei ufzoge! also so ghür isch mer das nid gad gsi! wänn das lah het, hilfe....aber s'hät scho so tönt...

d'katrin und d'margot im bähnli...sind da mini zwei beschte kolleginne! sind relativ uf dä gliche wällelängi und verstönd eus eifach guet! beides schwiizerinne, aber mir reded eigentlich meischtens englisch mitenand! :-) vorbildlich, nid?! :-)

susch eifach d'berge i de blue mountains! sehr wiit und grüen isch es da

das isch doch guet, gseht us, als würed mir fasch i de luft schwebe?! :-)

d'lidia (tessinerin) und mir drüü in front of the three sisters! ja, mängisch muesch ja en bewiis ha, dassd au det gsi bisch! :)

blue mountains with the three sisters

das isch ebe dä wasserfall det gsi! aber so speziell gross und idrücklich isch das für eus schwiizer nid gsi, ich meine, mir händ grösseri, aber ich glaub für australie isch das ziemlich gross! ;-) ich meine, a villne orte sinds grössers als d'schwiiz, aber ebe nid überall...;-)

me vor em surfe! s'brett isch riesig, aber anschienend isch es eifacher zum miteme grosse lerne, findsch anschienend d'balance besser! aber isch au so no gnueg schwer gsi...*smile*

voll in action, aber d'wälle sind eifach immer entweder am falsche ort gsi, z'wenig höch, oder dänn gnueg höch, aber z'schnel...ich säge eu, snowboarde isch einiges eifacher! nöd lache....

nomal ich bim padle...ha etz überall muskelkater, aber das hani scho im vorus gwüsst gha!:-/

und glücklich und zfriede wieder am uselaufe! aber nass! aber so e schlechti falle machi etz au wieder nid, oder?! :-)


g'day mate

wie gsehts bi eu mit em wätter us? hoffe chli besser als bi eus....die wuche isch di schlimmscht wuche gsi woni erlebt han, sit ich da une bin! :-( händ vom mäntig bis am mittwuch räge gha und au susch isch es nid würklich "schön" gsi, kei räge meh, aber so richtig aprilwetter wie mir i de schwiiz würed säge! :-/ hoffe, dass es die wuche dänn wieder chli besser wird!

etz zersch churz zu minere wuche: das isch glaub die wuche gsi, womer am meischte unterwegs gsi sind sit ich da bin! eigentlich fascht jede tag! am mäntig bin ich zwar ällei unterwegs gsi, d.h. ich bin uf sydney und han mit dä tina abgmacht gha, sind eifach eis go zieh und händ chli d'news ustuscht! aber dä witz isch gsi, genau won ich han müesse us em huus und uf dä bus warte (hät da eigentlich nie es hüüsli) häts us volle chübel abelah und ich bin überall nass gsi, das isch dänn nid so agnehm gsi! drum simer z'sydney au gad is erscht beschte resti wos am hafe gha hät und ich han mir dänn det en heisse tee iezoge, so hani wieder chli warm becho! am zischtig simer dänn (zwei kollegine vo minere schuel und ich) is kino go step up 2 luege (die händ ebe da am zischtig cheap-tuesday)! da simer au wieder in räge cho, aber das mal nid so schlimm! :-) dä film isch hät eus allne guet gfalle und mir händs luschtig gha! am mittwuch hani als einzige tag nüt würklich vor gha, bi eifach churz is reisebüro will ich öpis han müesse abkläre, und dänn hei nach de schuel! scho isch es dunnschtig gsi und do sind mir id city go lädele! (händ da ebe au am dunnschtig abigverchauf bis am 9ni)! isch zwar nid so überwältigend gsi, aber besser so, so hämer nid z'vill geld usgäh! aber das wo mer gsuecht händ doch gfunde! :-) nachher simer no churz in starbucks eis go zieh! und scho isch es friitig gsi und weekend! :-))) ah ja, bevori würklich han chöne is weekend starte, hani no müesse "zügle", d.h. han eifach i minere homestay müesse s'zimmer wächsle! das zimmer mit bad, chuchi, stube, usw...woni ebe vorher gha han, händs etz vermietet als appartment! so chönds ebe geld verdiene wäns am reise sind und usserdem isch es ja susch au schad, sie bruched de platz eh nid! etz hani chli s'chlinere zimmer, aber d'ussicht isch fasch no besser, gseh ufs offne meer und dä curl curl beach und ha morge sunne! :-) isch gmüetlich und gfallt mer au guet! aber hey, ha bim zügle gmerkt, dass ich meeeega vill sache han! hifleee!!! *schreck* muess glaub d'helfti dalah oder chli verschwänderisch si und die sache wegrüere woni nüme bruch! ha mir halt scho es paar neui sache kauft! :-) *schäm*

am fritigabig sind mir wieder id stadt (händ ebe es wuchebilett gha und drum hämer dänkt, nützed mir das die wuche so richtig us!) sind denn is cruise, e bar/restaurant wo gad am hafe gsi isch und e wunderschöni ussicht ufs opera house häsch! *freu* isch würklich wunderschön gsi, richtig gmüetlich und agnehm! und so hämers dänn au gnoh, händ eus öpis z'trinke bringe lah und sind dänn eifach chli det ghöcklet und händ trunke und gredt! sind dänn aber scho uf d'11i fähre wieder zrugg uf manly, damit mir mit eusem ticket no händ chöne vor dä 12e dä bus ganz heinäh! hm...das isch no es züüg gsi, min bus het sölle am viertel vor 12i cho, isch aber mit fasch 15min verspätig cho, ha scho dänkt, chöng s'ticket nüm bruche, aber s'glück isch uf minere siit gsi und ich han gad no churz vor 12i chöne stämpfle! :-) schwein gha...nachher bini hei und ha no chli d'nacht gnosse, chli am pc ghänt, mails gschriebe, gläse usw...

am samschtig hani dänn s'erscht mal usgschlafe i mim "neue" zimmer, also ja, d.h. ich hans probiert, bi meh am döse gsi! weiss au nid, aber verwach da immer mega früeh und chan amix eifach nüm ipenne! kei ahnig wieso...:( naja...nachher bini mal ufgstande und has gmüetlich gnoh, zmörgelet und dänn mal mit mine ufzgi agfange! so am 1i häts dänn en chline zmittag gäh und nachher hani d'kollegin a de bushaltistell abgholt, will mir nämlich da an strand sind go "surfe"! ;-) naja...mir händs probiert! isch imfall echt nid so eifach, aber immerhin hani zwei surfboards vo minere host uslehne chöne und so hämer nüt müesse zahle! :-) eimal hämer e welle würklich zu 100% verwütscht und s'feeling isch eifach echt dä hammer! schwebsch eifach i dere welle überem wasser und chunsch meterwiit! echt dä hammer! :-) aber susch hämers nüm gschafft, isch echt schwer! aber mir händs luschtig gha und euse fun dra gha! nachher simer dänn no vom einte strand zum nächschte gloffe und wieder zrugg! händs eifach mal chli easy gnoh a dem samschtig! und stelled eu vor, ich bin am samschtig nid use und dihei bliebe...ha mir en dvd-abig gmacht und "into the blue" glueget! voll relaxed gsi! aber hät au mal guet tue...

hüt morge (sunntig) hani nämlich scho am 8ti müesse vor em schuelhuus stah (min host hät mich gfahre, will ich am sunntig so früeh susch gar kein bus gha het)! :-) mir sind dänn wieder mal vo eusere schuel us uf en usflug. das mal isch es id blue mountains gange! das sind eifach so berge wo amix je nach liecht blau usgsehnd! hät sehr vill bush rundume und isch eifach schön! ganz andersch als d'schwiiz, aber schön! usserdem häts det au na en ziemlich grosse wasserfall für australie, the three sisters, das sind eifach 3 bergkupple näbed änand und ebe eifach susch d'berge! mir händ so glück gha mit em wätter! zersch häts chli wulche gha, aber wo mir bim ussichtspunkt gsi sind, sind die eigentlich wäg gsi (jedefalls über dä berge)! nachher hämer mit em auto müesse wiiterfahre zu dä wasserfäll und dänn häts gregnet, aber wo mir wieder usgstiege sind, häts ghört gha und mir händ wieder einigermasse gueti fotene chöne mache! au über dä mittag, wo mer dusse gässe gha händ, isch es gad troche gsi! echt immer schwein gha...nachher simer no in federdale wildlifepark, aber das isch nid so atemberaubend gsi! hät eifach wieder mal tier gha, aber di meischte hani ja scho s'letscht mal gseh bzw. im zoo! aber isch halt au uf de tour gsi und zwei drüü tierli häts au no gha, woni susch nonig gseh han! ja, nachher isch es dänn scho langsam wieder heiwärts gange und s'weekend isch sozäge wieder verbii! gaht scho leider immer zackig! woni dihei gsi bin häts dänn imfall nach ca. 30min au wieder abelah und gwitteret wie blöd! händ also würklich uh mega schwein gha! wenigschtens öpis, wänns scho di ganz wuche grusig isch, chas eus am weekend verschone, wenigschtens dänn, wänns wichtig isch, aber das häts ja gmacht! :-)

tija...die wuche wird glaub chli rühiger, obwohl morn und am zischtig hämer euses mock-exam, das isch eifach so en art en tescht wie am first, aber chli verchürzt! aber so hämer mal en erschte idruck womer stönd! aber mach mir da nüt gross drus...händ au i de schuel andauernd so alti test und det bini meischtens nid gad so schlecht, dänn söt das au gah! und susch hani ja no 2 mönät ziit! :-) drum hämer mäntig, zischtig au chi komisch schuel! evt. gangi die wuche no mini reis go bueche, will etz händs gad so spezialagebot für d'flüg und die sind au nid all zu lang gültig! usserdem hetis dänn gmacht und chönt das sozäge vergässe bis es dänn sowiit isch! weiss ja eigentlich ungefähr wasi wot! mal luege...

also lüüt, wünsch eu ganz e gueti wuche und hoffe, ihr händ chli schöners wetter! gnüüsed de früehlig...bis zum nächschte mal!

8. weekend in down under! :-)

das isch am redbull flugtag (das isch im fall di offiziell bezeichnig gsi, au im englisch, es düütsches wort! :-))! hät uh vill lüüt gah, di einte wie mer gseht, händ sogar vom schiff us zueglueget! das links isch d'rampe is wasser gsi! :-) meischtens isch es würklich gad is wasser...

das chline grüene autöli isch es flugobjekt gsi, aber isch nid allzu wiit cho! :-)

da sind sich di verschiedene team am parat mache gsi! die händ sich voll in pink gstürzt und ihres flugobjekt isch irgendwie en schmetterling, also söts emal si! ;-)

so häts vom botanische garte us usgseh, überall schiff vo wo us au zueglueget worde isch, lüüt überall usw...aber dä platz isch super gsi, hät s'opera house, d'brigde und alles gseh!

das isch im chinesische garte! hät sich voll krass gspieglet im wasser! en teil vo dä skyline vo syndey, hani uh schön gfunde!

en waterfall im chinesische garte...

bäum wo usgsehnd, als hetteds haar! au im chinesische garte! isch würklich ruhig und gmüetlich gsi! :-)

d'margot und ich im botanische garte! gsehnd doch guet us, nid?! *grins*

dänn häts au no so chlini züchteti bäumli gha im garte! gseht scho ganz lässig us! aber bis die wahrschindlich mal so usgsehnd, gahts recht lang! und tüür sinds au...

das isch am fritigabig am bbc, jede um dä grill! :-) d'koreaner am choche und mir am esse...:-) aber isch echt fein gsi! hät da a villne stränd so grill wo mer eifach chan bruche, isch no lässig!

nach em bbc im steyne am dance! :) i de mitti en huufe chleider, täsche und grümpel! wird ja au usgseh ha für di andere! :-)

das isch am paddington market

das au...



hi friends

wie versproche chunt da dä bricht vom weekend! :-) also, dänn fangemer mal bim fritig abig a: mir sind direkt nach dä schuel an freshwater beach und händ det es barbecue verastaltet, d.h. d'parallelklass häts eigentlich organisiert und mir schwiizer sind ebe au iglade gsi! :-) händ halt es privileg, oder! *grins* händ hamburger gmacht ufem grill, chli pläuderlet mitenand und s'luschtig gha! so lernsch mal d'lüüt chli besser kenne...nach em bbc simer dänn na is steyne (wie fasch immer)! zersch isch es chli langwilig gsi, will irgendwie niene guete musig gloffe isch, lüüt häts au chum gha und überhaupt! aber nacheme ziitli isch dänn besser worde mit dä musig und mir händ i eusem grüppli chli gshaket und gsunge! di einte sind dänn relativ früeh hei, damits uf dä letscht bus händ möge und ich bi dänn mit dä andere no chli bliebe, aber au nur no ca. ei stund, bis min letschte bus dänn am halbi 1 gfahre isch! bi dasmal z'müed gsi zum länger bliebe und nachher heizlaufe! :-) usserdem hani am samschtig wieder bi ziit use müsse...

...händ eus nämli am 11i a dä warth troffe und sind mit dä fähre uf sydney übere! det simer zersch an paddington market! das isch eine vo dä gröschte und spektakulärschte märkt da, will alli sache "handmade" sind, susch chasch anschienend gar nid an märkt und din stand ufstelle! dämäntsprächend isch er au nid überall ganz billig, aber hät echt zum teil mega schöni und spezielli sache! ha mir dänn zwei sache kauft, aber die sind vom priis echt im rahme gläge! :-) nachher simer mit es paar andere wo ebe nid ganz so früeh händ möge ufstah in chinesische garte in darling harbour! dä isch ganz andersch als en normale garte susch, aber uh schön! s'krasse isch nume, dass mer muess itritt zahle, aber mir als studente händ wenigschtens en reduzierte priis! :-) e hochsig hämer au no gad wieder gseh i dem garte! da gsehsch so vill hochsige, schwangeri fraue und chinderwäge wie glaub susch niene! nach em chinese garden hämer eus dänn wieder trännt und mir sind no an paddy's market wo gad näbet dra isch! das isch eher en gwöhnliche markt, wiemer en kennt, aber hät au no es paar cooli sache, guet, für dä ganz häts eus eh nid glanget, will mir immer alles händ müesse aluege, probiere usw...*grins* aber chönd ja wieder mal gah...wos eus usegrüert händ, wills gschlosse händ, hämer eus dänn uf dä heiwäg gmacht und stelled euch vor, ich bin am abig nid use! ;-) ha mer en gmüetliche abig dihei gmacht, mit dä host chli tv glueget, nachher chli gläse, usw...usserdem hämer die nacht d'ziit müesse umstelle, d.h. mir händ e stund müesse hindere stelle, will bi eus isch ja winter! d.h. mir sind etz nur no 8 stund vorus! :-)

sunntig, 9.25 und scho isch eusi fähre wieder los gange! das mal isch es zersch an redbull flugtag, wo das mal zum erschte mal in sydney stattgfunde hät! das isch so en wettbewerb wo eigentlich jede chan mitmache! d'kandidate händ im vorus irgend es flugobjekt müesse boue, aber ohni irgend welche elektrische atrieb oder so! hüt händs dänn vonere rampe us müesse ihri flugobjekt vorstelle bzw. zeige, wie flugfähig dass sie sind! isch mega luschtig gsi und amix echt zum todlache! di meischte sind anstatt waagrecht gfloge, gad abgstürzt und is wasser gheit! isch echt zum geusse gsi amix! nu isch es leider chli unbequem gsi zum hocke (händ eifach irgendwo ame schräge hang müesse hocke) und drum simer dänn vorem schluss scho wieder gange, will eusi ärsch so wehta händ! ;-) usserdem isch eh immer alles öpe glich gsi oder ähnlich! aber hät meeeega vill lüüt gha! nach däre show sind d'kollegin und ich dänn no churz id china town, was aber gar nüt speziells gsi isch! da mir aber dänn gad i de stadt gsi sind, simer halt no chli dur d'ladestrasse gloffe und in einte oder andere lade ie go luege! aber so super sache händs nid gha! irgendwenn hämer dänn nüm möge und sind drum uf d'5i fähre und hei! tija...

...das wärs scho wieder mal gsi vo mim weekend! nid so speziell gsi! s'nächschte wird glaub chli actionricher! das heisst, di ganz wuche wo chunt wird mega busy, am mäntig gömer scho wieder id city wäg öpisem womer im opera house müend luege und ich triff nochher no e kollegin, am zischtig gömer is kino (da isch am zischtig cheap-tuesday), am dunschtig gömer mal uf sydney go lädele (so richtig bini nämli no nie gsi), am fritig gömer evt. ane big-party ufeme boat vo dä schuel und am sunntig id blue mountains! also das heisst, richtig öpis los, wird eus sicher nid langwilig und d'ziit wird renne!

also, ich hoffe, ihr händ au e gueti wuche und hoffe, chli bessers wetter als mir wärded ha! dä wetterbricht hät nämli fasch jede tag shower! :-( aber ebe, min host hät gfunde, das seg glich, will ich müess eh id schuel und lerne! :-) also, dänn fangemer doch gad ah, söt nämlich no ufzgi mache...:-( wäh...naja...

cya, bye

Week 8 in Australia!

das isch manly beach vo mir dihei i de nächi gfötelet! mal vo dä andere perspektive! ha gar nid gwüsst gha, dass mer das alles gseht, willi no nie da gsi bin! :-) wohne also würklich schön!

das isch de coast entlang, au gad une a eusem huus! ca. 5 - 10 min vo mir dihei! wundervoll, hät so vill lüüt wo immer am strand entlang jogget usw...isch natürlich einiges schöner als bi eus irgendwo dä strass na! :-/

das isch am curl curl beach! dä isch ebe au ca. 5 min vo mir dihei weg! schöne fiine helle sand...*träum*

das isch am mäntig ame ganz chline strand gsi, wo eus dä paul zeigt hät! richtig wäg vom züüg und ganz ruhig, uh mega schön gsi!

das isch manly warth (warft)! so gsehts amix us, wäni mit dä fähre vo sydney heichume! guet, so e gueti sicht hani dänn amix nid gad! :-) da gsehnder das manly eigentlich eifach so e schmali landzunge isch, vorne und hine meer! :-)

das isch au irgendwie es feelsgebilde i de nächi vo manly! zum teil chasch da entlang laufe und chunsch vo strand zu strand! :-)

sunset....isch echt dä hammer gsi! nebet dra hämer no d'skyline vo sydney gha! :-)

no comment, isch zu schön! :-) *träum*


hey mates

ha nume churz es paar churzi sätz über die wuche, wo ja au scho bald wieder fertig isch! :-)

sind die wuche eigentlich jede tag irgendwie unterwegs gsi! :-) nur zum säge, ha mini ufzgi aber immer schön brav gmacht! *brav* also am mäntig simer mit dem boomerang man (eusem paul, wo immer alli aktivitäte organisiert) chli i de nächi vo manly umechauffiert worde und händ immer chöne usstiege und händ wunderschöni ussichte uf manly, d'umgebig susch und sydney gha! echt wunderschön, usserdem hämer en mega grandiose sunneuntergang chöne bestune! :-) hät sich glohnt gha für die 2 dollar wos koschtet hät! ;-)

am zischtig hämer dänkt, mir chönd ja glich mal probiere an beach z'gah nach de schuel! aber hei, es isch ächt freezing gsi! churz vor dä 5e isch eifach echt fertig mit am strand ligge! mer merkt scho langsam, dass dä "winter" da chunt! händ nur no ca. 20-25 grad, d.h. am tag isch es meischtens no recht warm, aber am abig oder gäg dä abig wirds recht chüel! naja...händs dänn nid so lang usghalte und sind nach ca. 45 min dänn heigange! s'chille isch schön gsi und i de sunne ligge au, aber im bikini fasch unmöglich! :-( leider...d.h. wämer amix nochli dä strand wänd gnüsse, dänn müemer über de mittag gah! tija...mer chan leider nid alles ha! bi nachher no ällei chli rund um euses huus umegloffe und ha det no es paar fotene gmacht, bi nämli no nie überall gsi! :-) ha echt schöni sache gseh...

geschter simer wieder mal an karaoke-abig is stadtbekannte steynes gange! hät zwar niemert gsunge, aber wer weiss, villicht chunts ja no! :-) isch no luschtig gsi, händ chli gschwäzt, leider chli vill dütsch, aber häts au mal brucht! susch reded mir würklich immer enligsch, aber zum über öpis diskutiere, gahts halt mängisch eifach scho besser! aber ich glaube, bi mir chunts englisch au immer bessere, letschti hani doch tatsächlich gmerkt, dass ich in englisch dänkt han! *hilfe* het nid dänkt, dass das würklich passiert, etz fählt nur no s'enlgisch träume, aber das tueni ja nid mal gross uf dütsch! ;-) eigentlich hämer dänn welle am 12 uf dä letscht bus (d.h. ich wär gloffe), aber dänn hani na di andere atroffe, wo ersch uf dänn cho sind (alti schuelkollege usw...) und dänn bini namal ine, will ich han ja nid irgendwie uf dä letscht bus müesse! :-) naja...bi dänn namal 2 stund drinne gsi und ha chli gschnorret über alti schuelziite da, susch sache wo aktuell sind, news usw...isch immer spannend, was alles ghörsch! :-) jaja, drum isch es dänn chli spat gsi bis ich dihei gsi bin, aber ha ja am morge einigermasse chöne usschlafe, will ja d'schuel so spat afangt...

...wobi hüt morge, han nid würklich chöne penne, wills so gstürmt hät und so en lärme gmacht hät! dänn bini halt chli früehner ufgstande und ha dänkt, ich nimm hüt glaub gschieder mal de bus, will susch chumi ja nid vom fleck! ;-) hät so grusig und chalt usgseh, aber gäg dä mittag isch es denn glich no recht warm worde und d'sunne isch cho! :-) hüt sind d'kollegin und ich nach de schuel no chli go lädele, aber hät eus nid gad umghaue, was es i däne läde so gha hät! müend glaub nächschte dunnschtigabig mal uf sydney und det i de läde go stöbere, villicht händ die no chli meh oder es anders sortiment! (händ ebe da au am dunnschtig abigverchauf! :-))

tija...das wärs bis etz scho wieder gsi, d'wuche isch nämlich nochher fertig und s'weekend chunt scho wieder und über das schriebi eu dänn am sunntigabig oder mäntig! ;-) git sicher au wieder es paar sache zum verzelle!

ah, merci no für eui kommentär und sache wo ihr mir amix susch per mail oder so schriebed! :-) ha immer mega freud, wänn mir öpert öpis schriebt! melded eui gedanke, inspiratione, gfühl, usw...doch au mir mit! dänn weissi, was ihr dänked über min blog, mini fotene, mini erlebtä usflüg, reise usw...also, los, und schriebe...merci! :-)

also, take care everybody and cya

byebye