das isch ebe gad no s'führwerk gsi, woni gseh han bim heilaufe (iweihigsparty vonere englische company) direkt am strand! :-) ha gad no gratis chöne vom berg obe zueluege und gnüsse...

....und gnüsse! isch echt schön gsi, churz, aber schön!

das isch bim manly dam! gseht im hintergrund dä see (süesswasser), womer drinn sind go bade! a dere stell hämer au s'barbecue gha! würklich schön friedlich und gmüetlich gsi!

das isch au namal de see, leider hät da eine gad sini hand müesse i mis bild hebe und ich hans nid mal gmerkt! :-(

so häts wegli dur dä bush usgseh! eifach schmal, mal brüggli, mal chli holz, aber meischtens eifach natur und nid vill meh! aber schön!

zwüschet ine häts immer wieder so chlini wasserfäll gha, wo irgendwo mitte im bush ines chlises seeli gloffe sind!

so händ die seeli im bush usgseh! eifach traumhaft schön!



hey guys

da bini wieder mal! die wuche hani gad chli vill ob gha bis etz, bi eigentlich immer chli unterwegs! am zischtig simer vo de schuel us zum manly dam go picknicke! das isch ca. 20 min mit em bus vo eusere schuel, aber es gseht scho ganz andersch us! gruen, natur, en see, wasserfaell (chlini) und eifach wunderschoen! au en sehr ruhige ort, ussert wo natuerlich denn mir cho sind, isch es nuem so lieslig gsi! :-) zersch haemer en ca. 30min marsch dur de bush gmacht! isch no mega interessant gsi dur d wildnis z laufe und eifach d natur gnuesse, haend zum teil tier gseh, wasserstelle usw...uh cool, ganz oepis anders als susch immer! denn simer zrugg cho zum see (haet det tisch und baenk und fuerstelle) und sind no in see go bade (freshwater)! isch mega warms wasser gsi und e schoeni abchuelig! nachher haemer denn es barbecue gha, gredt, chli d natur gnosse usw...bi sunneuntergang simer denn mit em chline buessli vo de schuel wieder hei! bi denn mit einere vom zentrum us heiglofe und vom 1. huegel wo mir eus amix muend trenne, will sie links wohnt und ich de next huegel ab und aene wieder ufe muen, haemer no es chlises spektakel gseh! une am strand haet irgend e firma wo ihre sitz vo england uf australie verleit haet e riise party gha und mir haend gad vo wiitem choene zueluege! die haned am strand ballette tanzet, einie haet gsunge, mega schoeni lichtspiel, chlises fuerwerk usw...isch gad no en schoene abschluss gsi! ;-) ha nachher d musig bis zu mir ue ghoert is zimmer, aber ha glich choene penne...

geschter simer am namittag nach de schuel chli am strand gsi! irgendwie 15 schwiizer uf eim huufe, (glaub haet me schwiizer da als bi eu i de schwiiz)! haend s warme und schoene wetter chli gnosse, muend das ja usnuetze, waens wuerklich mal schoen isch, will da aenderts amix recht schnell und isch nid immer so warm...am abig bini denn no is steynes (bar, club), will det karaokeabig gsi isch...;-) isch na witzig gsi, di einte haends zwar ueberhaupt nid im griff gha, aber so 2-3 haends wuerklich guet gmacht! aber ich han mich druckt, muess da nid gad vor allne singe! obwohl, hets sicher am beschte gmacht vo allne! ;-) hihi...sind au wieder uh vill vo de schuel det gsi, aber am meischte schwiizer! am halbi 12i bini denn aber scho gange, will ga zwei anderi au uf de bus cho sind! isch zwar nid direkt mine gsi, aber ich het ersch inere stund de letscht gha und irgendwie hani nid welle so spat heicho! ha denn eifach na muesse ca. 15 min laufe, aber immerhin nid ganz alles! aber isch keis problem da...isch vill weniger gfaehrlich als i de schwiiz hani s gfuehl und ich meine bi eus isch es ja scho nid gad gfaehrlich (guet, chunt au chli druf ah wo)

huet goemer denn nach de schuel na churz an strand, will s wetter so schoen isch und nachher gangi mit 2 kollegine uf warringah mall go poeschtele...haend ebe au am dunnschtig abigverchauf und denn lohnt sich das au! isch es riese ichaufszentru, ca. 15min mit em bus vo manly, da bruchsch halt ebe chli ziit! mal luege, was es denn det so git! nachher chumi schwer belade hei und brich no zeme, nei seich...wobi, ich daerf ja 35kg mithei neh mit em flueger, will ich es studentevisum han!:-) hoffe nume, dass es denn au wuerklich klappet, susch bini denn glaub chli doof dra, guet gad 35kg wirdi glaub glich nid ha! :-)

jaja, am wuchenend gits denn wieder meh z verzelle, gange s ganz weekend uf port stephens ue, aber das schriebi eu denn, waenis erlebt han!

also, e gueti ziit und mer ghoert sich wieder! see you...