First - Advanced

hey lüüt

ha geschter min istufigstescht fürs advanced gha! leider isch dä uh mega schwer gsi, händ ebe all dä glich, egal öbs first, s advanced oder s proficiency machsch! verstahni irgendwie nid ganz, will ich mein eine wo s first macht verstaht ja vill weniger, als eine wo s proficiency macht, aber isch ja egal...isch eh überall andersch dä istufigstescht, obwohls ja eigentlich söt glich si bime internationale diplom, aber ebe...naja...jedefalls isch es nid so guet usecho wies het sölle, damit ich id advanced klass het chöne und drum machi halt etz eifach s first! isch chli schad, aber was wetti mache, wänns mi nid ielönd, lönds mi nid ie, obwohl mini hostmother findt, ich hets sicher chöne mache und sie hät recht vill ahnig! aber egal, sie hät gmeint, so chönis chli easier näh und müess nid nur lerne, lerne, lerne jede abig, will sie hegi scho einigi studente gha wos advanced gmacht hegid und die heged ca. zwei bis drüü stund glernt oder ufzgi gmacht pro tag und uf das hani echt au kei luscht! dänn nimis lieber chli lockerer und chas no chli gnüsse, schliessli bini nid nur für das englischdiplom da ane cho, vorallem bruchis ja nid mal unbedingt, machs ja meh für mich selber! hoffe glich, das ich etz mis lebe da no chli cha gnüsse! :-)

leider hani nüm so super ziite wie bis etz, muess nämlich abem zischtig dänn vom 10.25 bis am 16.35 id schuel! :-( das heisst, am abig isch nüt meh gross mit strand, will es wird relativ früeh chalt (16.30 bis 17.00), aber däfür chani usschlafe, was eigentlich eher i minere natur liet, als früeh ufstah! mer chan halt nid alles ha, leider! oder ich gang eifach am morge an strand, aber ich kenn mich, dänn schlafi! ;-)

villicht machi dänn s'advanced eifach dihei! chönt z.b. en abigkurs bsueche wäni heichume (dänn bini ja no im englisch drinn) und dänn das so probiere...aber wart etz zersch mal ab, chani ja denn immer no entscheide! :-) aber ich glaub mängisch fasch, i de schwiiz sind die kürs besser, aber villicht tüschi mi ja au!

tija, ha eu nume über die änderig welle informiere! schliessli müend ihr ja uf em laufende bliiebe! ;-)

also, macheds guet und bis zum nächschte mal! übrigens, därfed imfall gern mal en kommentar schriebe! ha amix s gfühl, niemert seg i mim blog gsi! nei, ich weiss scho, dass es nid so isch...