das isch im botanische garte, wunderschön grüen und natürlich!
riise bäum und ich chline z'wirbel! :-) aber sind no bequem...
das isch ebe gad eini vo däne hochsige gsi, find die wiise stüehl und das tischli so cool...und sie händ sogar dä roti teppich nid vergesse...*grins*
riise spinne häts au no gha, die hät imfall es mega netz! ca. 2m lang und 1m höch zwüschet zwei bäum! riesig...aber die isch nid giftig zum glück!
vom botanische garte us häsch es super sicht uf d'harbour bridge und s'opera house (au no uf d'skyline vo sydney)
das isch vo under dä brugg, sehr idrücklich hät das usgseh!
uf däne runde böge chönt mer ebe ober über d'brugg schuene, villicht gsehnder rechts oberhalb vom turm d'lüüt....:-) het glaub chli höhenangscht!
das isch dä weg über d'bruegg, abgsperrt vom verkehr wie au vo usse! krass irgendwie...wänd über d'brugg wetsch mit em auto, dänn muesch zahle...z'fuess chasch wenigschtens no gratis! :-)
das isch d'ussicht vo dä brugg us! echt eifach dä hammer!!!! *supercool*
das isch d'sicht vo dä bridge, aber i di ander richtig! aber au traumhaft, so grüen, blau und eifach gigantisch!
das isch de tower vo sydney (305m), obe i dem runde teil häsch e 360grad ussicht uf sydney und das isch echt en traum!!! gsehsch uh wiit und würklich alles!
foti vom tower obenabe, isch höch sägi eu!
au vom tower, leider isch es chli unscharf zum teil will ha müesse dur d'schiebe dure fötele und das isch chli schwierig gsi zum teil häts gspieglet usw...usserdem isch s'wetter nüm so super gsi! aber isch glich schön! halt no 100 mal besser i natur! also drum, chömed selber mal da ane, es lohnt sich! :-)
das isch nachher bim idunkle gsi, wunderschön, händ eus extra e gueti ziit usgsuecht, dass mer beides händ, tag und nacht! *gschied*
ja und do a dem tag woni uf em tower gsi bin, hani no d'queen elizabeth 2 im hafe vo sydney gseh!!! es riise schiff! isch glaub sogar bi eu i de schwiiz i de ziitig gstande! :-) d'queen vicotria hani au gseh, aber vo dä wohnig us uf em offne meer! die isch glaub no grösser!
hey guys! :-)
das weekend bini recht ume cho! am fritigabig bini mit es paarne vo de klass im usgang gsi in manly! hät da eigentlich nur eis Pub/Disco, s'steynes! isch no recht cool...koscht kei itritt, isch wiitläufig und hät dancefloors, aber au tischli und stüehl wos chli ruhiger isch! meischtens triffschs ganze schuelhuus det ah, aber isch ja glich...:-) das lokal macht also geld mit dä touris und studente...aber muess au si! sind dänn bis am morge am 4i bliebe und dänn mit em taxi hei, will da sinds nid so guet mit nachtbüs usw...wie bi eus! aber wämer sich z dritte oder z'vierte es taxi nimmt gaht das guet, dänn isch es recht billig! heilaufe isch ebe glich e halb stund bi mir und vorallem isch es zum teil dur d'natur und ich weiss nid würklich wäg schlange oder spinne! ha eifach mega wenig gschlafe, will ich am samschtig scho wieder ha müesse mega früeh a de warth si! :-(
sind am morge am 10ni z'vierte uf sydney gfahre mit dä fähre und händ de wunderschöni samschtig gnosse (wäns scho mal schön wetter isch!:-)) sind zersch dur dä eltischti stadtviertel vo sydney zu de harbour bridge gloffe! nachher simer uf brugg ue und uf di ander siite gloffe und händ di schön ussicht gnosse! isch no lang, 500m hi und dänn simer wieder zrugg! über dä bügel obe chönt mer ja dürber laufe, aber das isch eus z'tüür gsi (ca. 200 Dollar für 4h)! wär sicher es cools erlebnis i däre höchi, aber also das isch mer eidüütig chli vill! da gseht mer vom sydney tower (305m höch) also einiges meh und dä isch günschtiger gsi! (bini am mäntig gsi! :-)) nachher simer am opera house verbi in botanische garte und händ d'natur bestunt, chli grelaxt und eifach d'schönheit vo däre stadt gnosse! isch ebe scho krass, da sind wulchechratzer und grüens direkt nebet enand! chunsch der gar nid vor, als wärsch inere riise stadt! uh schön...en traum echt! händ gad ca. 4 hochziit gseh im garte, isch glaub voll in da! (dunkt mi au, heg no nie so vill schwangeri fraue gseh! da gsehsch jede tag uh vill!)
hüt (sunntig) hämer eigentlich uf palm beach wele (nördlich vo sydney), aber dänn isch s'wetter so hässlich gsi, hät immer gregnet, dass mer das abblase händ, isch ja schad, bi däm wetter neue higah, zahle und nachher chasch es nid gnüsse...drum bini dänn mit dä einte chli da z'manly id stadt ines reisebüro! händ dänkt, wänd mal luege, was mer über d'oschtere so chänt mache! das chamer ja guet i grusigem wetter! sehrwahrschindlich gömer uf melbourne! würed ein weg flüge und dä ander weg mit em bus mache (12h, aber isch e mega schöni strecki natürlich)! dänn würemer die 12 apostels gseh, melbourne, great ocean road usw...aber händ nid chöne bueche hüt, wills irgendwie sunntig gsi isch! etz müemer morn nomal gah gschwind, hoffe, dass es klappet! oschtere sind scho gli und teils flüg und so sind scho usbuechet oder tüür! das isch ebe schad, will eigentlich chasch mega billig gah! ein weg mit em bus isch 65 Dollar, das isch nüt wämer dänkt wie vill kilometer dass das sind! Fänds voll dä hammer wäns wür klappe...:-) nachher hät s'wetter ebe doch no voll kehrt (am morge voll rege und am namittag gäg dä abig isch nachher s'schönscht wetter gsi, kei wulche, ich säg eu, da weiss mer nie, am beschte nimmt mer eifach immer alles mit, für chalt wie für warm! *strub*) und drum simer dänn no chli an strand gläge und händ chli gnosse!
das wärs scho wieder gsi, leider mueni morn wieder id schuel go härt schaffe! aber isch halt so...mäntig gleich scheisstag! :-) nei...wenigschtens hämer am mäntig amix kei ufzgi, ebe wills mäntig isch...:-)
also, wünsch eu au es schöns weekend und "write" you later!
zersch simer
Keine Kommentare:
Kommentar veröffentlichen