Akunft in Sydney

Die zwei Fotene sind Sydney vom Flugzüg us

Das isch d'Ussicht us mim Zimmer

mis Zimmer, schlaf am Bode! :-)


Hallo ihr liebe Lüüt i dä Schwiiz!

Bi etz geschter da in Sydney acho! Nach 9 Stund Flug uf Dubai und 13 Stund Flug wiiter uf Sydney hani bald en Chrampf im Bei gha und nüm gwüsst wie hocke, aber susch isch alles guet gange! Bin sogar mega schnell dur Passkontrolle cho und scho bini da gsi...:-)

Schöns Wetter, mega warm und halt Palme, Meer, Strand usw...:-) Voll Feriestimmig...aber das hani ja glich nid! Muess ja dänn abem Mäntig id Schuel!

Dä Cousin vo mim Mami hät mi vom Flughafe abgholt gha und dänn simer mit em Auto uf North Parramatta wo er, sini Frau und dä 5-monatig Sohn inere relativ grosse Wohnig wohned! Han mis Zimmer, isch eifach, aber langet vollkomme. Bett (naja...e Matratze, schlafe nu ufeme Roscht), e Kommode mit Spiegel und es Pult!

Zersch hani mal mega lang gschlafe! Bi halt müed gsi und au Ziitverschiebig wo da isch macht eim chli z'schaffe...Aber gaht eigentlich susch guet...Fühl mi eifach chli ällei und verlasse i däm Land. Kenn halt no nüt, alles tönt so kompliziert und neu für mich! :-( aber ich dänk, dass chunt scho guet...hoffes zumindescht! :-)

Morn gangi dänn mit eme Kolleg vo dä Lori (Frau vo mim Cousin) uf Manly, das isch det won ich wird id Schuel gah. Dä zeigt mer dänn alles chli, will er isch det ufgwachse und wohnt etz immer no det...Am Abig hani dänn mit minere Kollegin (Schwiizerin) abgmacht und sie zeigt mer au no chli Sache...Muess no zwei/drüü Sache go poschte und sie händ da au in Australie am Dunnschtig Abigverchauf! :-)

Also, meld mi bald mal wieder wäns gaht!

Vermiss eu und und d'Schwiiz scho mega!